ЯҢАЛЫКЛАР
Казанда 2026 елның декабрендә билгеләп үтеләчәк «Бердәм Россия» партиясенең республикадагы Татарстан төбәк бүлеге эшчәнлегенең 25 еллыгына багышланган «Татарстанга хезмәт итүгә 25 ел» (er25.tatar) интернет-порталын презентацияләделәр. Платформа Татарстанда партия оешу һәм үсешенең төп этапларын, төп карарларны һәм гамәлгә ашырылган проектларны чагылдыра.
15 июньдә гражданлык җәмгыятен үстерү максатыннан Татарстан Республикасы Рәисе грантларын бирүгә конкурслар үткәрү буенча республика комиссиясе утырышы узды. Катнашучылар алдагы конкурсларга нәтиҗә ясадылар, яңа гаризалар кабул итү кампаниясенә старт һәм оештыру мәсьәләләре турында фикер алыштылар.
12 июньдә Казан Кремлендә Дуслык парады һәм ачык лекторий булды, аны ТР Иҗтимагый палатасы Россиянең «Белем» җәмгыяте белән берлектә оештырды. Чаралар республиканың төп этномәдәни вакыйгаларының берсе булган «Мәдәниятләр мозаикасы» XI республика этноконфессиональ фестивале кысаларында узды. ТР Иҗтимагый палатасы әгъзалары бәйрәм колоннасында үттеләр һәм лекорийда катнаштылар.
10 июньдә Лаеш районында «Татарстан Республикасы коммерцияле булмаган оешмаларының Интеллектуаль Сабан туе» эшлекле сессиясе булды, анда Татарстанның 20 муниципаль берәмлегеннән һәм Россиянең 20 төбәгеннән 140 катнашучы килде. Чара «Социаль юнәлешле коммерцияле булмаган оешмалар остазлык мәктәбе» проекты кысаларында «Социаль эшмәкәрлек: коммерцияле булмаган оешмалар үсеше өчен инструментлар» өченче белем бирү курсының йомгаклау этабы булды.
8 июньдә Татарстан Республикасы Дәүләт Советының җиденче чакырылышның егерме беренче утырышы булды. Утырыш эшендә Татарстан Республикасы Иҗтимагый палатасы рәисе Александр Терентьев, Татарстан Республикасыннан Россия Федерациясе Иҗтимагый палатасы әгъзасы Ольга Павлова һәм Татарстан палатасы рәисе урынбасары Асия Тимирясова катнашты.
6 июньдә Казанда Рус теле көненә һәм Александр Сергеевич Пушкинның тууына 227 ел тулуга багышланган чаралар үткәрелде. Тантанада ТР Иҗтимагый палатасы рәисе Александр Терентьев һәм палата әгъзалары Ирина Александровская һәм Дмитрий Туманов катнашты.
Әлмәттә Татарстан Республикасы Иҗтимагый палатасы ярдәмендә «Татнефть» хәйрия фонды тарафыннан оештырылган «Грантмейкинг: булдырабыз, эшләтеп җибәрәбез, үстерәбез» III форумы узды. Чара 150дән артык катнашучыны – коммерцияле булмаган оешмалар вәкилләрен, эшмәкәрләрне, экспертларны һәм компаниянең грант конкурсында җиңүчеләрне берләштерде.
1 июньдә Татарстан Республикасы Хөкүмәте йортында «Созвездие – Йолдызлык» эстрада сәнгатенең XXVI ачык республика телевизион яшьләр фестивале җиңүчеләренә ТР Рәисенең махсус дәүләт стипендияләрен тапшыру тантанасы булды. Чарада Татарстан Республикасы Иҗтимагый палатасы рәисе Александр Терентьев катнашты.
29 майда Татарстан Республикасы Иҗтимагый палатасында Татарстан Республикасы башкарма хакимияте органнары каршындагы һәм муниципаль берәмлекләрдәге иҗтимагый советлар белән хезмәттәшлек буенча эшче төркем утырышы булды.