Старт игълан ителде: Татарстанның коммерцияле булмаган оешмалары 1 июльдән Раис грантларына гариза бирә ала
15 июньдә гражданлык җәмгыятен үстерү максатыннан Татарстан Республикасы Рәисе грантларын бирүгә конкурслар үткәрү буенча республика комиссиясе утырышы узды. Катнашучылар алдагы конкурсларга нәтиҗә ясадылар, яңа гаризалар кабул итү кампаниясенә старт һәм оештыру мәсьәләләре турында фикер алыштылар.
Утырыш эшендә катнаштылар:
- ТР Иҗтимагый палатасы рәисе Александр Терентьев;
- ТР Рәисенең Эчке сәясәт мәсьәләләре департаменты җитәкчесе урынбасары Илнур Шакиров;
- Татарстан Республикасында Кеше хокуклары буенча вәкаләтле вәкил Сәрия Сабурская;
- ТР Икътисад министрының беренче урынбасары Олег Пелевин;
- Татарстан Республикасы Хезмәт, халыкны эш белән тәэмин итү һәм социаль яклау министры урынбасары Гадел Мөбәрәкшин;
- ТР Экология һәм табигый ресурслар министры урынбасары Илнур Насретдинов;
- шулай ук иҗтимагый оешмалар һәм дәүләт органнары вәкилләре.
Утырыш кысаларында 2026 елгы конкурска старт игълан ителде. Гаризалар 1 июльдә кабул ителә башлый. Конкурсның гомуми бюджеты 163 млн сум тәшкил итәчәк. Коммерцияле булмаган оешмалар бюджеты 3 млн сумга кадәр, ә ярты ел элек теркәлгән оешмалар – 500 мең сумга кадәр булган проектларга грантлар ала алачак.
Конкурсны финанслау күләме, шул исәптән Президент грантлары Фонды хисабына да, арта, бу ярдәм ителә торган социаль әһәмияткә ия проектлар санын арттыру мөмкинлеген бирә.
