ТР Дәүләт Советында бюджет үтәлеше, закон чыгару инициативалары һәм яшьләр сәясәте турында фикер алыштылар
8 июньдә Татарстан Республикасы Дәүләт Советының җиденче чакырылышның егерме беренче утырышы булды. Утырыш эшендә Татарстан Республикасы Иҗтимагый палатасы рәисе Александр Терентьев, Татарстан Республикасыннан Россия Федерациясе Иҗтимагый палатасы әгъзасы Ольга Павлова һәм Татарстан палатасы рәисе урынбасары Асия Тимирясова катнашты.
Көн тәртибенә 22 мәсьәлә кертелгән иде. Депутатлар 2025 елда Татарстан Республикасы бюджеты һәм Территориаль мәҗбүри медицина иминияте фонды бюджеты үтәлеше турында республика законнары проектларын, шулай ук ТР судьяларының Квалификация коллегиясендә кече һәм урта эшмәкәрлекне үстерү, бушлай юридик ярдәм күрсәтү, янгын куркынычсызлыгы һәм җәмәгатьчелек вәкилләре турындагы законнарга үзгәрешләр кертү хакындагы закон инициативаларын карады.
Моннан тыш, утырышта Татарстан Республикасы Хисап палатасының 2025 елдагы эшчәнлеге турында хисап һәм Татарстан Республикасы Министрлар Кабинетының яшьләрнең хәле һәм республикада яшьләр сәясәтен гамәлгә ашыруның барышы турында доклады тыңланды. Депутатлар шулай ук 13 җәмәгать хөкемдарын сайлады.
Утырыш эшендә Татарстан Республикасы Рәисе Рөстәм Миңнеханов, ТР Дәүләт Киңәшчесе Минтимер Шәймиев, Дәүләт Советының шәрәфле рәисе Фәрит Мөхәммәтшин, республика Премьер-министры Алексей Песошин, РФ сенаторлары һәм Дәүләт Думасы депутатлары, профильле министрлыклар һәм ведомстволар, муниципаль берәмлекләр җитәкчеләре катнашты.
