ТР Иҗтимагый палатасында иҗтимагый советлар белән хезмәттәшлек буенча эшче төркем утырышы булды
29 майда Татарстан Республикасы Иҗтимагый палатасында Татарстан Республикасы башкарма хакимияте органнары каршындагы һәм муниципаль берәмлекләрдәге иҗтимагый советлар белән хезмәттәшлек буенча эшче төркем утырышы булды.
Утырыш барышында эшче төркем составы расланды. ТР Иҗтимагый палатасы рәисе Александр Терентьев бертавыштан эшче төркем җитәкчесе итеп сайланды.
Катнашучылар ТР Иҗтимагый палатасы һәм ТР Муниципаль берәмлекләре Советы Ассоциациясенең уртак утырышын әзерләү турында фикер алыштылар, аны октябрьдә үткәрү планлаштырыла. Игътибар үзәгендә – иҗтимагый советлар эшчәнлеге һәм муниципаль дәрәҗәдә граждан җәмгыяте институтларына ярдәм итү мәсьәләләре.
Утырышны ачканда, Александр Терентьев Иҗтимагый советларның гражданнар җәмгыяте белән багланышларның мөһим инструменты булуын билгеләп үтте. Палатаның бурычы – гражданлык инициативаларын һәм практикаларын ачыклау һәм аларга ярдәм итү, аларны гражданлык активистларын җәлеп итү нәтиҗәсендә республикада тормыш яхшырсын өчен уртак казаныш итү.
Фикер алышу йомгаклары буенча катнашучыларның барлык тәкъдимнәре алга таба эшләү өчен теркәп куелды. Эшче төркем ТР муниципаль берәмлекләре советы ассоциациясе белән уртак утырышка әзерлекне дәвам итәчәк.
