ЯҢАЛЫКЛАР
Бүген Казанда «Черек күл» паркында Россия көне һәм «Динамо» спорт җәмгыятенең 100 еллыгы уңаеннан тантаналы чара узды. Бәйрәм мәйданчыгында Татарстан Республикасы Рәисе Рөстәм Миңнеханов, Татарстан Дәүләт Киңәшчесе Минтимер Шәймиев, ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин, ТР Рәисе Администрациясе Җитәкчесе, Татарстанның «Динамо» физкультура-спорт җәмгыяте рәисе Әсгать Сәфәров, Казан мэры Илсур Метшин булдылар.
1 июньдә Алабуга дәүләт музей-тыюлыгының Заманча этносәнгать музеенда «Мин Шишкин кебек рәсем ясыйм» XIX республика яшь рәссам конкурсында җиңүчеләрне бүләкләү тантанасы булды. Конкурс Татарстан Республикасы Мәдәният министрлыгы, Татарстан Республикасы Иҗтимагый палатасы, Алабуга муниципаль районы һәм «Эссен Продакшн АГ акционерлык җәмгыте ярдәме белән музей-тыюлык тарафыннан гамәлгә ашырылды.