ЯҢАЛЫКЛАР
17 июльдә Репин скверында «Безнекеләрне бел» дип аталган үсеп килгән Россия брендлары конкурсының өченче сезоны җиңүчеләрен бүләкләү тантанасы булды.
Татарстанда милли бәйрәмнәр үткәрү Удмуртиянең Гырон Быдтоны белән дәвам итте. Республиканың Кукмара районы Нырья авылында үткәрелгән халык күңел ачу чараларына бөтен Россиядән 3 меңнән артык кунак килде. Бәйрәмдә ТР Иҗтимагый палатасының Мәдәният һәм массакүләм мәгълүмат чаралары комиссиясе рәисе Розалия Нургалиева катнашты.
Ватанны саклаучылар истәлегенә багышланган «Бәйләүче җеп» Бөтенроссия тарихи-патриотик акция-конкурсы старт алды.
18 июльдә Татарстан Республикасы Иҗтимагый палатасында социаль әһәмиятле авыруларны профилактикалау өлкәсендә коммерцияле булмаган оешмаларның биш еллык эшчәнлегенә багышланган истәлекле чара – йомгаклау түгәрәк өстәле узды. «Гигиеник белем бирү үзәге» автоном коммерцияле булмаган оешмасы үткәргән чарада коммерцияле булмаган оешмалар җитәкчеләре, медицина белгечләре, дәүләт органнары вәкилләре һәм иҗтимагый активистлар – ВИЧ, гепатит һәм башка социаль әһәмияткә ия булган авырулар буенча эпидемиологик вәзгыятьне яхшыртуга көн саен өлеш кертүчеләрнең барысы да катнашты.
16 июльдә Татарстан Республикасы Дәүләт Советы Рәисе урынбасары Юрий Камалтынов «Гаилә бергә» хәйрия фондының Гаилә йортындагы балаларны маҗара дөньясына чумдырды. Ул Республика балалар клиник хастаханәсенең кечкенә пациентларына барон Мюнхгаузен белән онытылмас очрашу бүләк итте.
16 июльдә «Добрый» («Игелекле») балалар сәламәтләндерү лагерена балаларның ялын оештыру мәсьәләләрен өйрәнү өчен Татарстан Республикасы Иҗтимагый палатасының мәгариф, фән һәм мәгърифәтчелек эшчәнлеген үстерү комиссиясе рәисе Тамара Федорова, ТР Иҗтимагый палатасы эксперты Гөлзада Әхмәрова килделәр.
Җәмәгать контролен гамәлгә ашыру максатларында ел саен Татарстан Республикасы Иҗтимагый палатасы, ТР Яшьләр эшләре министрлыгы белән килешү буенча, шәһәр читендәге балаларны савыктыру лагерьларына баруны оештыра.
16 июльдә Лениногорск шәһәре башлыгы урынбасары Г.К. Урманова Иҗтимагый совет рәисе И.Г. Тришанкова белән бергә шәһәрнең мактаулы кешесе Әһиян Хәйрулла кызы Мотыйгуллинаны 95 яшьлек юбилее белән шәхсән котларга килделәр.
14 июльдә «Казан Су» паркы җылылык, иҗат һәм бердәмлек атмосферасы белән тулы иде – биредә «Татарстанда җәй» республика проекты кысаларында «Безнең ишегалды» тату күршелек фестивале үткәрелде.
Аксубай районы Иҗтимагый советы Лисичанск һәм Рубежный китапханәләре өчен «Бүләккә китапханә» акциясе кысаларында ТР Иҗтимагый палатасына китаплар җибәрде.