ТР Иҗтимагый палатасы әгъзалары «Мирас-Наследие» һәм «Заречье» балаларны савыктыру лагерьларында җәмәгать контроле үткәрделәр

Җәмәгать контролен гамәлгә ашыру максатларында ел саен Татарстан Республикасы Иҗтимагый палатасы, ТР Яшьләр эшләре министрлыгы белән килешү буенча, шәһәр читендәге балаларны савыктыру лагерьларына баруны оештыра.

2025 елның 27 июнендә «Мирас-Наследие» балаларны сәламәтләндерү лагере һәм ел әйләнәсе эшли торган «Заречье» балалар сәламәтләндерү лагерьларына бардылар. Балалар ялын һәм сәламәтләндерүне оештыру мәсьәләләрен өйрәнү өчен әлеге лагерьларга ТР Яшьләр эшләре министры урынбасары Денис Лулаков, ТР Иҗтимагый палатасы Рәисе урынбасары Ирина Әхмәтова, ТР Иҗтимагый палатасының мәгариф, фән һәм мәгърифәтчелек эшчәнлеген үстерү комиссиясе рәисе Тамара Федорова, рәис урынбасары Наталья Фролова, «Җәй» балалар һәм яшүсмерләрнең сәламәтләндерүен, ялын һәм мәшгульлеген оештыру буенча республика үзәге директоры Нина Шимина, «Ял» шәһәр үзәге» муниципаль бюджет учреждениесе директоры урынбасары Ирина Камалетдинова, ТР Иҗтимагый палатасы эксперты Гөлзада Әхмәрова барды.

Комиссия билгеләп үткәнчә, сәламәтләндерү лагерьларының икесе дә заманча, яңартылган инфраструктурага ия: ремонтланган корпуслар, ашханәләр, акт заллары, өстәмә дәресләр һәм мастер-класслар оештыру өчен бүлмәләр, шулай ук заманча җиһазландырылган спорт мәйданчыклары. Лагерьларның икесе дә декоратив үсемлекләр белән бизәлгән, чәчәк түтәлләре ясалган.

Комиссия әгъзалары мәктәп укучыларының яшәү шартларын оештыру, туклану сыйфаты мәсьәләләрен игътибар белән карадылар: сыйфат һәм төрлелек таләпләренә туры килү буенча көндәлек меню өйрәнелде.

Лагерьларда булганда комиссия шулай ук янгынга  һәм террорчылыкка каршы куркынычсызлыкны тәэмин итү, медицина кабинетларының эшен оештыру һәм аларның медикаментлар белән тәэмин ителеше кебек мөһим мәсьәләләргә игътибар итте. Каралган лагерьларның санитар-эпидемиологик нәтиҗәләре бар, күзәтчелек органнары тикшерүен узган.

Комиссия лагерьларның савыктыру һәм тәрбияләү программаларының эчтәлеген өйрәнде. Системалы тәрбия эше алып барыла, балалар кызыклы һәм төрле чараларда катнаша. Спорт уеннары, флешмоблар, төрле өйрәнү программалары каралган. Балаларга патриотик һәм хезмәт тәрбиясе бирүгә зур игътибар бирелә.

Ел әйләнәсе эшләүче «Мирас-Наследие» балаларны сәламәтләндерү лагеренда елына 1300 кешегә ял оештырыла. Этномәдәни юнәлешле лагерь. Аны булдыру максаты безнең төбәк территориясендә яшәүче халыкларның милли-мәдәни үсешенә ярдәм итү булды.

2025 елның 13 июненнән 30 июньгә кадәр «Мирас» үрнәк балалар бию ансамбле белән берлектә «Этнобию» профильле сменасы оештырылды. Халык биюләре белән шөгыльләнүче 7-17 яшьлек катнашучылар өчен смена. Лагерьда катнашучыларның барысы да смена дәвамында ТР территориясендә яшәүче аз санлы халыкларның тарихы, музыкасы, биюләре, костюмы, халык авыз иҗаты, гореф-гадәтләре белән танышалар.  

Лагерьда өстәмә дәресләр һәм мастер-класслар: чүлмәкчелек остаханәсе, балта остаханәсе, тегү остаханәсе, халык уен кораллары, хореография, гамәли декоратив иҗат, балалар йогасы оештырылган.

Ватанны саклаучылар елын уздыру кысаларында «Мирас - Наследие» балаларны сәламәтләндерү лагере «буыннар юллары» палаткалы лагереның патриотик сменасы оештырылды, анда балалар хәрби-спорт әзерлеге нигезләрен, хәрби әзерлек һәм физик культура буенча база белемнәрен алалар, сугышчан сәнгать һәм спорт дисциплинасы элементларын үзләштерәләр. Балалар шулай ук төрле һөнәрләр белән таныша, күн, балта остасы, чүлмәкче һәм тегү остаханәләре актив эшли.

Смена партнерлары: Татарстан Республикасы Мәдәният министрлыгы, «Татарстан Халыклары дуслыгы йорты» дәүләт бюджет учреждениесе, «Мирас» үрнәк бию театры, «Роберт Миңнуллин исемендәге Республика балалар китапханәсе» ТР дәүләт бюджет мәгариф учреждениесе, «Казан дәүләт мәдәният институты» югары һөнәри белем бирү федераль дәүләт бюджет белем бирү учреждениесе.

«Заречье» – Казан шәһәренең иң зур лагере (сменага 412 кешегә кадәр, елына 3000 кеше), Республика лагерьлар смотр-конкурсында җиңүче, программалар конкурсларында күп тапкырлар җиңүче, Татарстан Республикасының топ-5 лагере исемлегенә керә.

Лагерьда барлык сменалар да профильле: спорт юнәлеше, иҗат юнәлеше. Спорт-сәламәтләндерү программалары гамәлгә ашырыла. Спорт ярышлары оештырыла, хәрәкәтчән уеннар, конкурслар, медицина хезмәткәрләре белән очрашулар, сәламәтләндерү процедуралары үткәрелә. Санап үтелгән барлык чаралар балаларда сәламәт яшәү рәвешенә ихтыяҗ тудыра.

Иҗади программа буш вакытны үткәрүнең массакүләм формаларын: уеннар, сәяхәтләр, конкурслар, ярышлар, концерт-уен программаларын куллануны күздә тота.  

Икенче сменада «МОТО-МЕГА-ДРАЙВ» проекты гамәлгә ашырыла, ул 10 яшьтән 17 яшькә кадәрге катнашучыларның шәхси үсеше өчен уникаль мәйданчык булып тора. Ун көнлек цикл дәвамында һәр катнашучы мотоцикл белән идарә итүнең база күнекмәләрен үзләштерәчәк, шулай ук мототехниканы ремонтлау һәм аңа техник хезмәт күрсәтү өлкәсендә компетенцияләр алачак.

Техника белән практик эшләү системалы фикерләү формалаштыруга ярдәм итә, куелган максатларга ирешү өчен кирәкле гамәлләр эзлеклелеген һәм сабырлыкны үстерә. Шул рәвешле стандарт мәктәп программасы кысаларыннан чыга торган компетенцияләр үстерелә.

Күчмә чара барышында инклюзив мохитне үстерүгә аерым игътибар бирергә дигән тәкъдимнәр бирелде.