Арча районы Иҗтимагый советы әгъзалары «Казан Су» паркында «Безнең ишегалды» тату күршелек фестивалендә катнашты

14 июльдә «Казан Су» паркы  җылылык, иҗат һәм бердәмлек атмосферасы белән тулы иде – биредә «Татарстанда җәй» республика проекты кысаларында «Безнең ишегалды» тату күршелек фестивале үткәрелде. 

Бәйрәм кунакларын бай программа көтә иде: значоклар һәм милли брошюралар ясау буенча мастер-класслар, агачка рәсем ясау, сокландыргыч аквагрим һәм күңелле гаилә эстафеталары. Арча районы Иҗтимагый советы әгъзалары шәһәр халкы һәм кунаклары белән бергә бик теләп иҗат процессына чумдылар, үзләрендә яңа талантлар ачтылар һәм күршеләр арасындагы мөнәсәбәтләрне ныгыттылар.

Фестиваль матур концерт белән тәмамланды, анда Арча районының талантлы үзешчән артистлары һәм бөтен республикадан чакырылган башкаручылар чыгыш ясады.