ТР Иҗтимагый палатасында «Мөһим әйберләр турында сөйләшүләр – Татарстан Республикасында дәресләр үткәрү тәҗрибәсе һәм перспективалары» түгәрәк өстәле узды

2023 елның 21 августында Татарстан Иҗтимагый палатасында Түбән Кама Иҗтимагый советы инициативасы белән «Мөһим әйберләр турында сөйләшүләр – Татарстан Республикасында дәресләр үткәрү тәҗрибәсе һәм перспективалары» түгәрәк өстәле узды. Чарада ТР Иҗтимагый палатасы рәисе Зилә Вәлиева, Иҗтимагый палата рәисе урынбасары Юрия Тимирясова һәм Мәгариф, фән һәм агарту эшчәнлеген үстерү комиссиясе рәисе Тамара Федорова катнашты.

«Мөһим әйберләр турында сөйләшүләр» дәресләрен үткәрү методикасы, гражданлык җәмгыяте вәкилләренең белем бирү оешмалары белән үзара хезмәттәшлеге юнәлешләре һәм формалары, белем бирү оешмаларында тәрбия чараларын үткәрүдә төбәк компонент кебек мөһим темалар тикшерелде.

Түгәрәк өстәл эшендә Россия мәгариф академиясенең мәгарифне үстерү стратегиясе институты директоры Татьяна Суханова катнашты, ул «Мөһим әйберләр турында сөйләшүләр» дәресләрен үткәрүнең теоретик-методологик аспектларына тукталды, киләсе уку елына уку программаларын тәкъдим итте.

ТР Мәгариф һәм фән министры урынбасары Алсу Әсәдуллина республика мәктәпләрендә «Мөһим әйберләр турында сөйләшүләр» проектын гамәлгә ашыру буенча алып барылган зур эш турында җентекләп сөйләде, проблемаларга да тукталды.

ТР Яшьләр эшләре министрының беренче урынбасары Софья Мостафина яшьләрне патриотик тәрбияләү эшен дөрес оештыруның мөһимлеген ассызыклады һәм әлеге укудан тыш дәресләрнең ролен аерым билгеләп үтте.

Түгәрәк өстәл эшендә шулай ук И.А. Филатов, Л.Р.Засыпкина, Ф.Г.Миңгәрәев, Д.А.Туманов, Е.А.Гиблин, Л.Н.Ногманова, Е.Г.Скобельцына, А.Г.Залялова катнашты.

Барлык катнашучылар да «Мөһим әйберләр турында сөйләшүләр» укучыларның үз Ватанына – Россиягә, аның кешеләренә, уникаль тарихка, бай табигатькә, бөек мәдәнияткә кыйммәтләр мөнәсәбәтен үстерүгә юнәлдерелгән дип ассызыкладылар.

Бүген укытучыны әзерләү системасын кыйммәти-мәгънәви ориентирлары аша яңадан карап чыгарга, педагогларның квалификациясен күтәрү курсларын кыйммәти доминантлар белән көчәйтергә кирәк.

Шунысы мөһим, бүген педагог территориянең төбәк, милли, этномәдәни үзенчәлекләрен исәпкә ала ала. Моннан тыш, укучыларның үсеш дәрәҗәсен, аларның кызыксынуларын һәм ихтыяҗларын да исәпкә алырга кирәк.