ЯҢАЛЫКЛАР
«Городские реновации» («Шәһәр реновацияләре») гомумроссия оешмасы Россия Төзелеш министрлыгы белән берлектә шәһәр мохитен үстерү өлкәсендә иҗтимагый инициативалар авторларына ярдәм итүгә юнәлдерелгән «Шәһәр интонацияләре» Россиякүләм конкурсының икенче сезоны башлануы турында игълан итте. Гаризалар 15 октябрьгә кадәр әлеге сайтта кабул ителә: https://urbanintonations.ru/award
16 сентябрьдә «Татмедиа» мәгълүмат агентлыгында Татарстан Экология һәм табигый байлыклар министрлыгы конкурсларына һәм экология өлкәсендә грант программаларына багышланган матбугат конференциясе булды. Чарада ТР Экология һәм табигый байлыклар министрлыгының мәгълүмат системалары һәм экологик агарту идарәсе башлыгы Дамир Вәлиуллин, «Будет чисто» республика яшьләр берләшмәсе рәисе Дилара Сатикова һәм «Социаль юнәлешле коммерцияле булмаган оешмаларга ярдәм итү буенча Республика ресурс үзәге» автоном коммерцияле булмаган оешмасы директоры Зөлфия Сафина катнашты.
18 сентябрьдә Казанда Укытучыга һәйкәл һәм Казансу елгасы буенда шул ук исемдәге скверны ачу тантанасы булды. Чарада Татарстан Республикасы Рәисе Рөстәм Миңнеханов, Казан мэры Илсур Метшин, педагогик хезмәт ветераннары, шулай ук ТР Иҗтимагый палатасы әгъзасы, Россиянең традицион рухи-әхлакый кыйммәтләрен саклау һәм ныгыту комиссиясе рәисе Ирина Александровская катнашты.
17 сентябрьдә Татарстан Республикасы мәдәни мирас объектларын саклау комитеты каршындагы Иҗтимагый советның яңартылган составта беренче утырышы үткәрелде. Аның составына ТР Иҗтимагый палатасы әгъзалары Борис Королев һәм Наталья Топал керде.
20 сентябрьдә тавыш бирүнең өченче, йомгаклау көне тәмамланды. IT-парк мәйданчыгында ачылган иҗтимагый күзәтү үзәгендә һәм ситуацион Үзәктә барлык өч көн дәвамында сайлау процессын иҗтимагый контрольдә тоту буенча эш алып барылды. Өч көн эчендә үзәккә 200дән артык кеше килде.
20 сентябрьдә Казанда IT-парк базасында эшләүче Татарстан Республикасы Иҗтимагый палатасы каршындагы Иҗтимагый күзәтү үзәгендә төбәк программасы кысаларында Казанга килгән 2026 елгы Бөтендөнья яшьләр фестивале делегациясе булды.
20 сентябрьдә Казандагы IT-парк базасында урнашкан ТР Иҗтимагый палатасы каршындагы Иҗтимагый күзәтү үзәгендә республиканың муниципаль районнары вәкилләре белән турыдан-туры элемтә булды. Чара IX чакырылыш Дәүләт Думасына депутатлар сайлауда тавыш бирүнең өченче, төп көнендә үткәрелде.
19 сентябрьдә IT-парк мәйданчыгында Иҗтимагый күзәтү үзәге һәм ситуация үзәгенең икенче эш көне тәмамланды. Бер көн эчендә үзәккә 40 тан артык кеше килде.
2026 елның 18 сентябрендә IT-парк мәйданчыгында ачылган Татарстан Республикасы Иҗтимагый палатасының иҗтимагый күзәтү үзәге һәм ситуация үзәгенең беренче эш көне тәмамланды. Бер көн эчендә үзәккә процесста катнашучы 70 тән артык кеше килде.
Россия Федерациясе Федераль Собраниесе Дәүләт Думасына депутатлар сайлауларны күзәтеп торучы Бәйсез Дәүләтләр Бердәмлегеннән күзәтүчеләр миссиясе кысаларында Татарстан Республикасына Казахстан Республикасы делегациясе килде.