ТР Иҗтимагый палатасы каршындагы Иҗтимагый күзәтү үзәгенең икенче эш көне тәмамланды
19 сентябрьдә IT-парк мәйданчыгында Иҗтимагый күзәтү үзәге һәм ситуация үзәгенең икенче эш көне тәмамланды. Бер көн эчендә үзәккә 40 тан артык кеше килде.
Республика күләмендә күзәтүчеләр хәбәр итүләрен дәвам иттерделәр: сайлау участоклары штат режимында эшли. Фото- һәм видеофиксация тапшырдылар, тавыш бирү барышы турында оператив хәбәр иттеләр.
ТР Иҗтимагый палатасы әгъзалары һәм студентлар сайлау участокларыннан трансляцияләрне мониторингладылар, бәхәсле моментларны теркәделәр һәм мәгълүматны ситуация үзәгенә тапшырдылар.
«Тавыш бирүнең икенче көне иҗтимагый контроль системасының җайлы эшләвен күрсәтте. Без участоклардан мәгълүматның оператив рәвештә килүен, ситуация үзәгенең ничек җавап бирүен күрәбез. Бу эштә яшьләрнең дә катнашуы мөһим –
алар вәзгыятьне реаль вакыт режимында күзәтергә ярдәм итә. Иртәгә йомгаклау көне, һәм без эшне шул ук җаваплылык белән дәвам итәчәкбез», – дип билгеләп үтте Сайлауларны күзәтү буенча иҗтимагый штаб җитәкчесе Тимур Какохо.
Иҗтимагый күзәтү үзәге һәм Ситуация үзәге эше тавыш бирү тәмамланганчы дәвам итәчәк.
