Иҗтимагый совет утырышында Татарстанның мәдәни мирасын саклау турында фикер алыштылар
17 сентябрьдә Татарстан Республикасы мәдәни мирас объектларын саклау комитеты каршындагы Иҗтимагый советның яңартылган составта беренче утырышы үткәрелде. Аның составына ТР Иҗтимагый палатасы әгъзалары Борис Королев һәм Наталья Топал керде.
Совет рәисе итеп ТР Иҗтимагый палатасының мәгариф, фән һәм мәгърифәтчелек эшчәнлеге мәсьәләләре комиссиясе әгъзасы, хәрби хәрәкәтләр ветераны Наталья Топал сайланды. Рәис урынбасары итеп Рафаэль Вәлиев сайланды – Россиянең һәйкәлләрне һәм истәлекле урыннарны саклау буенча халыкара советның илкүләм комитеты вице-президенты.
Беренче утырышта совет әгъзалары түбәндәге мәсьәләләрне карадылар:
- Мергасов йортын торгызу һәм җайлаштыру, шулай ук ММЧ вәкилләре катнашында матбугат туры оештыру;
- дәүләт тарихи-мәдәни экспертизаларының сыйфаты мәсьәләләре;
- объектларны мәдәни мирас объектларының бердәм реестрына элекке елларда керткәндәге хаталарны төзәтү;
- мәдәни мирас объектларын саклау турындагы федераль законнардагы үзгәрешләр.
Мәдәни мирас объектларын саклау буенча ТР Комитеты рәисе Иван Гущин Совет әгъзаларын Алабугадагы XVII Россиякүләм конференциясенә (8-10 октябрь) чакырды һәм октябрь ахырында Казанда «Наследие в цифре» V конференциясен игълан итте. Советның октябрьгә эш планы сайтка урнаштырылачак.
Катнашучылар якын арада эш перспективалары турында фикер алыштылар, проблемалы объектларга аерым игътибар бирделәр һәм аларны хәл итү юлларын эзләделәр. Октябрь аена билгеләнгән чаралар турында мәгълүмат Иҗтимагый совет эше планында урнаштырылачак.
