Казандагы Иҗтимагый күзәтү үзәгендә Татарстан районнарында тавыш бирү барышы турында фикер алыштылар
20 сентябрьдә Казандагы IT-парк базасында урнашкан ТР Иҗтимагый палатасы каршындагы Иҗтимагый күзәтү үзәгендә республиканың муниципаль районнары вәкилләре белән турыдан-туры элемтә булды. Чара IX чакырылыш Дәүләт Думасына депутатлар сайлауда тавыш бирүнең өченче, төп көнендә үткәрелде.
Чарада ТР Иҗтимагый палатасы рәисе Александр Терентьев, сайлауларны күзәтү буенча иҗтимагый штаб җитәкчесе Тимур Какохо, Иҗтимагый күзәтү үзәген оештыру ягыннан тәэмин итү өчен җаваплы Рафаэль Фәхретдинов, палатаның Хокук мәсьәләләре һәм иҗтимагый контроль комиссиясе рәисе урынбасары Евгения Храмова катнашты.
Видеоконференция барышында катнашучылар урыннарда сайлаулар барышы турында мәгълүмат алмашты, бу тавыш бирү көненең гомуми картинасын формалаштырырга мөмкинлек бирде. Сайлау участокларындагы хәлләр турында районнар вәкилләре сөйләде:
- Түбән Кама районы – Иҗтимагый совет рәисе Хәмзә Баһманов;
- Бөгелмә районы – Иҗтимагый совет рәисе Елена Архарова;
- Яшел Үзән районы – Иҗтимагый совет рәисе Ольга Купоросова (шулай ук 1503 нче участок тавыш бирү комиссиясе рәисе, 14 нче лицей директоры);
- Әгерҗе районы – Иҗтимагый совет рәисе, ТР Иҗтимагый палатасыннан күзәтүче Александр Лапшин;
- Чирмешән районы – Иҗтимагый совет рәисе, территориаль тавыш бирү комиссиясе кандидатыннан күзәтүче Миләүшә Батыршина;
- Әлки районы – Иҗтимагый совет рәисе, ТР Иҗтимагый палатасыннан 716 нчы участок тавыш бирү комиссиясе күзәтүче Луиза Абдрахманова;
- Чүпрәле районында – Иҗтимагый совет рәисе Илгизәр Хөснетдинов;
- Питрәч районы – Иҗтимагый совет рәисе, ТР Иҗтимагый палатасыннан территориаль тавыш бирү комиссиясе күзәтүче Наталья Ксенофонтова.
- Мөслим районы – Иҗтимагый совет рәисе Рушат Солтанов;
- Әлмәт районы – Иҗтимагый совет рәисе Рушания Нәҗметдинова.
Исегезгә төшерәбез, республиканың сайлау участокларында ТР Иҗтимагый палатасы җибәргән 2,7 меңнән артык күзәтүче эшли, шул исәптән муниципалитетларның иҗтимагый советлары әгъзалары да. Иҗтимагый күзәтү үзәге һәм Ситуация үзәге эше тавыш бирү тәмамланганчы дәвам итәчәк.
