Казахстаннан күзәтүчеләр делегациясе Татарстанда булды

2026 елның 18 сентябре, җомга

Россия Федерациясе Федераль Собраниесе Дәүләт Думасына депутатлар сайлауларны күзәтеп торучы Бәйсез Дәүләтләр Бердәмлегеннән күзәтүчеләр миссиясе кысаларында Татарстан Республикасына Казахстан Республикасы делегациясе килде.

Визит барышында халыкара күзәтүчеләр IT-парк мәйданчыгында ачылган иҗтимагый күзәтү үзәгендә булдылар, шулай ук Татарстан Республикасы Иҗтимагый палатасы рәисе белән очраштылар. Очрашу барышында ике як сайлау процессына җәмәгать контролен оештыруның актуаль мәсьәләләре буенча фикер алыштылар һәм тәҗрибә уртаклаштылар.

Делегация составына керделәр:

• Мухтар Ерман – Казахстан Республикасы Үзәк сайлау комиссиясе рәисе урынбасары;
• Куат Әхмәтов – Казахстан Республикасы Үзәк сайлау комиссиясе аппаратының оештыру-контроль эше бүлеге мөдире;
• Сергали Айдапкелов – Жамбыл өлкәсе сайлау комиссиясе рәисе;
• Каирбек Кунанбаев – Шымкент шәһәр сайлау комиссиясе рәисе;
• Адиль Жоламанов – Көнбатыш Казахстан өлкә сайлау комиссиясе рәисе.

Очрашуда шулай ук Татарстан Республикасы Үзәк сайлау комиссиясе рәисе урынбасары Андрей Нефедов һәм Татарстан Республикасы юстиция министры урынбасары Марат Низамиев катнашты.

Искәртәбез, Татарстанда иҗтимагый күзәтү үзәге һәм ТР Иҗтимагый палатасының ситуацион үзәге эшен дәвам итә. РФ Дәүләт Думасына депутатлар сайлауларында тавыш бирү 20 сентябрьгә кадәр дәвам итәчәк.