Яңа фельдшер-акушерлык пунктлары һәм яман шеш белән көрәш: 2023 елда Сәламәтлек саклау министрлыгы татарстанлыларның нинди таләпләрен үтәгән

Татарстанның Иҗтимагый палатасында Сәламәтлек саклау системасының узган ел республика халкы ведомство алдына куйган бурычларны һәм максатларны ничек үтәве турында фикер алыштылар.

Исегезгә төшерәбез, татарстанлылар онлайн-тавыш бирү юлы белән 2023 елга биш мәсьәлә сайладылар, һәм бүген сәламәтлек саклау министрлыгына эш нәтиҗәләре турында хисап бирергә вакыт җитте.

«Бүген истәлекле көн. Без 2023 елда Иҗтимагый максатларны һәм бурычларны тормышка ашыру нәтиҗәләре турында беренче җәмәгать фикер алышуларын үткәрәбез. Нәтиҗәләр турында беренчеләрдән булып сәламәтлек саклау министрлыгы хәбәр итә», –  дип билгеләп үтте ТР Иҗтимагый палатасы рәисе Зилә Вәлиева, фикер алышуны ачып.

Зилә Вәлиева ассызыклаганча, һәр министрлыкта гражданнарның таләпләре белән эшләү өчен турыдан-туры җаваплы кеше юк, Әмма Сәламәтлек саклау министрлыгында мондый кеше бар, бу ТР сәламәтлек саклау министры урынбасары Илдар Фатыйхов, ул очрашуда да катнашты.

Министрлык вәкилләреннән тыш, фикер алышуга республика территориясендә эшләүче күп кенә коммерцияле булмаган оешма вәкилләре дә килде.

Республиканың сәламәтлек саклау системасы алдында торган беренче бурыч – яман шешләрнең иртә стадияләрдә ачыклануын 62,5 проценттан 63,2 процентка кадәр арттыру.

Республика клиник онкология диспансерының оештыру-методик бүлеге башлыгы Камил Шакиров сөйләвенчә, диспансерлаштыру, скрининглар, һөнәри тикшерүләр һәм халыкка яман шеш турында мәгълүмат бирү ярдәмендә яман шешләрнең ачыклану дәрәҗәсен 63,2% ка кадәр күтәрү мөмкин булды.

Шулай ук татарстанлылар республиканың дәүләт сәламәтлек саклау системасына ким дигәндә 200 медицина хезмәткәрен җәлеп итүләрен теләделәр.

«2023 ел нәтиҗәләре буенча медицина хезмәткәрләре саны 52 101 кеше тәшкил итте, шуларның 14 167се – табиблар һәм 37 934е – урта медицина хезмәткәрләре. 2022 елга карата медицина кадрлары саны 994 кешегә арткан. Табиблар саны 183 кешегә, урта медицина хезмәткәрләре саны 811 кешегә артты», – дип билгеләп үтте ТР Сәламәтлек саклау министрлыгының медицина белеме һәм аттестация бүлеге башлыгы Рузилә Мөхәммәтҗанова.

Иң күп кадрларны кардиология, неврология, онкология, педиатрия, психиатрия, ашыгыч медицина ярдәме, терапия, хирургия, эндокринология, анестезиология-реаниматология, ультратавыш диагностикасы һәм клиник лаборатория диагностикасына җәлеп итү мөмкин булды.

«Авылларда ким дигәндә 45 фельдшер-акушерлык пункты төзүне тәэмин итү» бурычы үтәлде. Капиталь ремонт барышын техник тикшереп тору бүлеге башлыгы Артур Нәбиуллин Татарстанда 47 фельдшер-акушерлык пункты төзелүен ассызыклады.

Татарстанлыларның дүртенче максаты – табибларның һәм урта медицина персоналының уртача хезмәт хакы белән Татарстандагы уртача хезмәт хакы нисбәтен саклап калу-тиешенчә 200% һәм 100% тан да ким түгел.

ТР Сәламәтлек саклау министрлыгының бюджет акчалары буенча икътисади анализ бүлеге башлыгы Гүзәл Хәйбуллина табибларның уртача 103 мең сум, ә уртача медицина персоналының 51 мең сум акча алуын сөйләде. Бу саннар куелган максатка туры килә.

Һәм ведомство өчен соңгы бишенче бурыч кан әйләнеше системасы авырулары булган пациентларны диспансер күзәтүе белән 60% тан 70% ка кадәр арттыру иде.

ТР Сәламәтлек саклау министрлыгының Дәвалау һәм профилактика ярдәме идарәсенең Профилактика ярдәме һәм сәламәтлек саклау бүлеге башлыгы Елена Хафизова җитмеш процентлы колач алуга ирешү мөмкин булуын сөйләде. Аның сүзләренчә, үзәкләргә үз сәламәтлекләрен даими тикшерү һәм табиблар күз алдында булу бик мөһим. 2024 елга бу күрсәткечне 80% ка кадәр арттыру планлаштырыла.

Иҗтимагый совет барлык бурычларны бертавыштан үтәлгән дип таныды.

Җыелышны тәмамлап, ТР Сәламәтлек саклау министрлыгының Иҗтимагый советы рәисе Чыңгыз Мәхмүтов 2024 елга кайбер конкрет максатларны билгеләде. Ул ассызыклаганча, медиклар республика халкы файдасына нәтиҗәле эшли алсын өчен, Казанга Балалар хастаханәсе һәм онкопациентлар өчен поликлиника кирәк. Шулай ук хезмәт хакы һәм дәүләт челтәренә кадрлар җәлеп итү мәсьәләләре дә бар. Бу мәсьәләләрнең күбесе Республика хөкүмәте һәм Министрлык тарафыннан хәл ителә, дип ассызыклады Мәхмүтов.

Мәгълүмати материал Татар-информ сайтыннан файдаланылды – https://www.tatar-inform.ru/news/novye-fapy-i-borba-s-rakom-kakie-nakazy-tatarstancev-vypolnil-minzdrav-v-2023-godu-5935831

Фотографии: Эвелина Киселева \ "Татар-информ"