Иҗтимагый палата әгъзалары һәм экспертлары мәгариф системасының 2023 елга өстенлекле бурычларын билгеләүдә катнашты

Иҗтимагый совет утырышында Татарстан Республикасы Мәгариф һәм фән министрлыгы каршындагы Иҗтимагый совет утырышында башкарма хакимият органнары өчен 2023 елга максатлар һәм бурычларны гавами формалаштыру һәм аларның үтәлешен иҗтимагый күзәтү буенча республика проекты кысаларында оештырылган эксперт сессияләре нәтиҗәләре каралды.

Утырыш эшендә республика Иҗтимагый палатасының мәгариф һәм фән комиссиясе әгъзалары Римма Гыйльмиева, Роза Богоудинова, Рушания Нәҗметдинова, Наталья Реснянская, комиссия экспертлары Рөстәм Хәйбрахманов, Анфиса Җәләлова, Жанна Халтурина, Наталья Фролова һәм башкалар катнашты.

Татарстан Республикасы Иҗтимагый палатасының Мәгариф һәм фән буенча комиссиясе рәисе, Татарстан Республикасы Мәгариф һәм фән министрлыгы каршындагы Иҗтимагый совет рәисе, утырыш эше белән җитәкчелек итүче Асия Тимирясова билгеләп үткәнчә, экспертлар үз тәкъдимнәрендә мәгариф системасы эшчәнлегенең барлык актуаль мәсьәләләрен дә - балалар бакчаларыннан алып мәктәпләргә кадәр, балаларга өстәмә белем бирүгә бәйле сораулардан алып икътисадның төп секторларының кадрлар потенциалын яхшыртуга кадәр, колачлый алганнар. «Мәгариф, тәрбия һәм фәнни-техник сәясәт өлкәсендә илкүләм проектлар һәм стратегик программалар максатлары белән турыдан-туры бәйләнгән», - дип ассызыклады ул.

Татарстан Республикасы Мәгариф һәм фән министрлыгы һәм Татарстан Иҗтимагый палатасы каршындагы Иҗтимагый совет әгъзалары тарафыннан хупланган киләсе елга мәгариф һәм фән өлкәсендә күздә тотылган өстенлекләр исемлеге 2022 елның ноябрендә узачак гражданнар сораштыруына чыгарылачак.