Татарстанда «Рука дружбы» («Дуслык кулы») проекты кысаларында 300дән артык яшүсмер социализация узды
«Дуслык кулы» республика социаль проектының җиденче этабы йомгаклары буенча 24 сентябрьдә Татарстан Республикасы Иҗтимагый палатасында «Сила единства» («Бердәмлек көче») дип аталган тантаналы чара үткәрелде. Проект ТР «Союз отцов» («Аталар берлеге») төбәк иҗтимагый оешмасы тарафыннан ТР Рәисе гранты ярдәмендә, ТР Прокуратурасы һәм Казан Мэриясе белән берлектә гамәлгә ашырыла.
Проект төрле категорияләрдә исәптә торучы яшүсмерләрне профориентацияләүгә, социальләштерүгә һәм ресоциальләштерүгә юнәлдерелгән. Программа аша җиде этапта 14 яшьтән 17 яшькә кадәрге 300 гә якын яшүсмер үтте. Формат теоретик һәм практик блокларны, гамәли һөнәрләр, банк өлкәсе, наркология һәм психиатрия белгечләренең, шулай ук яшь психологларның катнашуын берләштерә. Программа федераль үсеш алды: ул Донецк Халык Республикасында, Саха (Якутия) республикасында һәм Мәскәү өлкәсендә гамәлгә ашырыла, киңәйтүгә Ульяновск өлкәсе һәм Кырым Республикасы кызыксыну белдерде.
ТР Иҗтимагый палатасы рәисе урынбасары, сугыш хәрәкәтләре ветераны, Россия Героеның әтисе Альберт Сафиуллин билгеләп үтүенчә:
«Күңел хезмәте безнең барыбыз өчен дә мөһим. Кеше – аерым игътибар таләп итә торган организм, һәм безнең өчен һәркем мөһим. Әлеге проект яхшы орлык чәчүгә юнәлдерелгән, ул гаиләләр өчен билгеле бер җимешләр китерәчәк».
Казан Башкарма комитетының социаль сәясәт идарәсе җитәкчесе Ирина Смирнова ассызыклады
«Бу эштә һәрбер ысул яхшы, без бала һәм гаилә объектив һәм субъектив сәбәпләр аркасында эләккән ситуациядән чыгуга юнәлдерелгән барлык оешмаларга шат».
Казанның Авиатөзелеш районы прокуроры урынбасары Руслан Гасанов балигъ булмаганнарга хокукый белем бирүнең мөһимлеген билгеләп үтте::
«Баш миенең үз гамәлләренең нәтиҗәләрен фаразлау өчен җавап бирүче префронталь кабыгы балаларда 25 яшькә кадәр үсә. Шуңа күрә ата-аналарның һәм профилактика системасы органнарының бурычы – сабырлык белән һәм даими рәвештә балаларга уңай мисаллар турында аңлату һәм тискәре нәтиҗәләрне күрсәтү. Мондый эш органнар һәм коммерцияле булмаган оешмалар тарафыннан алып барылуы бик яхшы».
ТР Иҗтимагый палатасы әгъзасы, ТР әтиләр берлеге рәисе Адель Заһретдинов этапның тәмамланмавын, ә башлануын билгеләп үтте. Ул катнашучыларга тормышта үз үзенчәлекләрен табуларын, үсешкә этәргеч булуларын теләде һәм аларга, оештыручыларга һәм ата-аналарга рәхмәт белдерде.
Чара барышында тулы курсны уңышлы узган катнашучыларга, спикерларга, кураторларга һәм программа партнерларына рәхмәт хатлары һәм сертификатлар тапшырылды. Чарада шулай ук прокуратура, балигъ булмаганнар эшләре буенча комиссия, Республика наркология диспансеры һәм башка оешмалар вәкилләре катнашты.
