Халыкара хәйрия көне белән!
Барлык битараф булмаган гражданнарны, коммерцияле булмаган оешма вәкилләрен, социаль әһәмиятле проектларны гамәлгә ашыра торган социаль җаваплы бизнесны Халыкара Хәйрия көне белән котлыйбыз!
- Бу чорда шәхси-дәүләт партнерлыгы яңа дәрәҗәгә күтәрелде, социаль юнәлешле коммерцияле булмаган оешмаларның сыйфатлы үзгәреше булды, социаль хезмәт белән шөгыльләнүче актив гражданнар саны артты. Пандемия, махсус хәрби операция вакытында безнең һәрберебез республиканың барлык гражданнарының, яшьләренә һәм социаль статусына карамастан, аерым ярдәмгә мохтаҗ гражданнарга ярдәм итүдә актив катнашуына һәм җәлеп ителүенә шаһит булды.
Шунысын да билгеләп үтәргә кирәк, Татарстанның күп кенә социаль инновацияләре федераль һәм халыкара дәрәҗәдә лаеклы билгеләп үтелде.
Активлык үз потенциалын ачуга, үз идеяләрен тормышка ашыруга ярдәм итә», – дип комментарий бирә Татарстан Республикасы Иҗтимагый палатасының Социаль мәсьәләләр, хәйриячелек һәм коммерцияле булмаган секторны үстерү буенча комиссия рәисе, «АК БАРС СОЗИДАНИЕ» Хәйрия фонды директоры Әлфия Вәлиева.
2030 елга кадәр Россиянең милли үсеш максатлары турындагы Указ нигезендә, билгеле күрсәткечләрнең берсе булып волонтерлык (ирекле) эшчәнлеге белән шөгыльләнүче яки волонтерлык (ирекле) оешмалары эшчәнлегенә җәлеп ителгән гражданнарның өлешен 15 процентка кадәр арттыру тора.
Бүгенге көн – тирә-юньдәгеләргә хәйриячелек культурасын үстерүнең мөһимлеге һәм актуальлеге, шәфкатьлелек һәм катнашу традицияләрен саклау һәм үстерү өчен актив тормыш позициясе турында сөйләү өчен искиткеч сәбәп.
Бүген, халыкара хәйрия көне уңаеннан, «АК БАРС СОЗИДАНИЕ» Хәйрия фонды мини-конкурс игълан итә. Катнашу өчен хәйрия темасына бәйле сүзләр табып, ФИЛВОРДНЫ чишәргә һәм аларны abcrt@mail.ru электрон почтасына җибәрергә кирәк. Хат темасына «ФИЛВОРД» дип күрсәтергә кирәк. Киңәш: уенда башка хәрефләр арасында 10 сүз яшеренгән. 5 сентябрь хөрмәтенә «АК БАРС СОЗИДАНИЕ» Хәйрия фонды 5 җиңүчене сайлап алачак, алар дөрес җаваплар өчен фондтан бүләкләр алачак.
