ТР Иҗтимагый палатасы әгъзалары Татарстан халыклары ассамблеясе утырышында катнашты
16 февральдә Казанда Татарстан халыклары ассамблеясе Советы утырышы булды, анда милли-мәдәни иҗтимагый берләшмәләр, Татарстан халыклары дуслыгы йорты һәм Ассамблея Башкарма комитетының 2022 елда башкарган эшләренә йомгак ясалды, шулай ук 2023 елга планнар турында фикер алыштылар. Утырышны Дәүләт Советы Рәисе, Татарстан халыклары ассамблеясе Советы рәисе Фәрит Мөхәммәтшин уздырды.
Татарстан халыклары ассамблеясе Советы утырышында ТР Иҗтимагый палатасы рәисе урынбасары Тимур Кадыйров, ТР Иҗтимагый палатасының Милләтара һәм конфессияара мөнәсәбәтләрне гармонияләштерү комиссиясе рәисе урынбасары Ирина Александровская катнашты.
2022 елда республикада халыклар дуслыгы йортларының эш нәтиҗәләре һәм 2023 елда аларның эшчәнлеген камилләштерү бурычлары турында Татарстан халыклары Дуслыгы Йорты директоры Ирек Шәрипов сөйләде. Ул республикада этномәдәни хәрәкәткә кимендә 800 мең кеше җәлеп ителүен искәртте.
Ассамблея советы шулай ук Яр Чаллы шәһәре һәм Түбән Кама муниципаль районы Дуслык йортлары җитәкчеләре, Казанның Күпмилләтле якшәмбе мәктәбе директоры һәм ТР халыклары Яшьләр ассамблеясе рәисе хисап мәгълүматларын тыңлады.
