Татарстан Республикасы Иҗтимагый палатасы әгъзалары «Берләшмә» РФ Иҗтимагый палатасының йомгаклау форумында катнаша
Мәскәүдә Җиңү музеенда РФ Иҗтимагый палатасының «Берләшмә» йомгаклау форумы ачылды. Аның темасы - «Халык бердәмлеге: суверенитет, яңаны төзү һәм гаделлек!». Традиция буенча, ике көнлек чара бөтен илдән коммерцияле булмаган оешма вәкилләрен, гражданнар активистларын, журналистларны, волонтерларны, эшмәкәрләрне җыйды. Форумда шулай ук төбәк һәм федераль дәрәҗәдәге түрәләр дә катнашачак.
Җиңү музее мәйданчыгында 2 һәм 3 ноябрьдә «Берләшмә» форумы кысаларында панель дискуссияләр, эксперт ток-шоулары, шулай ук проектларны тәкъдим итү оештырылачак. Барлык вакыйгалар да «Иҗтимагый консолидация», «Шәфкатьлелек һәм кызгану» «Суверенитет», «Ирек», «Яңаны төзү», «Гаделлек», «Халык бердәмлеге», «РФ Иҗтимагый палатасы университеты» кебек гомуми тематик треклар белән берләштереләчәк.
Чарада катнашучылар шулай ук РФ Иҗтимагый палатасы әгъзалары, экспертлар һәм активистлар илнең төрле федераль округларында узган «Берләшмә» форумнары барышында ачыклаган 2022 елның иң яхшы төбәк практикалары исемлеге белән танышачак.
«ТӨБӘК-НКО 2022» өченче секторының төбәк рейтингы нәтиҗәләре буенча Татарстан Республикасы яңадан рейтинг лидерлары арасында.
