«Меланома.Стоп» медик-социаль проект кысаларында күп балалы ата-аналарны кабул итү
17 майда «Меланома.Стоп» медик-социаль проект кысаларында күп балалы ата-аналарны кабул итүнең беренче көне һәм ачылышы булды. Карау ике мәйданчыкта – Казанда «Клиника СЛ» һәм Яр Чаллыда Республика онкология диспансеры филиалы базасында уза. Бу проектның инициаторы-Россия Дәүләт Думасы депутаты Татьяна Ларионова. Чарада ТР Иҗтимагый палатасы әгъзасы Артем Кузнецов катнашты.
Тире яман шеше иң киң таралган яман шеш авыруы булып тора, зарарланулар саны ел саен арта. Тикшерүгә килгән ата-аналарның белгечләргә сораулары да күп иде. Аларны бигрәк тә нәселдән килү факторы, балалар өчен куркыныч мәсьәләләр борчыды. «Меланома.Стоп» тиренең яман шеше үсешенең хәвеф-хәтәрләрен булдырмаска, сәламәтлеккә күбрәк игътибар бирергә һәм күп балалы гаиләләрнең тормыш сыйфатын яхшыртырга ярдәм итәчәк.
Күп балалы ата-аналарны тиредәге теләсә кайсы барлыкка килүләрне бушлай тикшерү өчен чакырабыз. Язылу «Татарстан Республикасының күп балалы гаиләләре» төбәк иҗтимагый оешмасы аша алып барыла: ТР Иҗтимагый палатасы әгъзасы һәм «Татарстан Республикасының күп балалы гаиләләре»төбәк иҗтимагый оешмасы җитәкчесе Артем Кузнецовка язарга мөмкин.
