Татарстанның «БРИКС гаиләсе» проектын ТАССта үткәрелгән конференциядә тәкъдим иттеләр
8 июньдә, Бөтендөнья кан доноры көне алдыннан, ТАСС матбугат үзәгендә #КодДонораЕдинство Россиякүләм акциясе кысаларында гамәлгә ашырылган «Донорлык берләштерә» махсус проекты нәтиҗәләренә багышланган конференция булды. Чарада кан хезмәтенең баш табиблары, шулай ук илнең төрле төбәкләреннән донорлар хәрәкәте лидерлары катнашты.
Иң яхшы төбәк тәҗрибәләрен тәкъдим итү кысаларында ТР Иҗтимагый палатасы әгъзасы Андрей Анисимов чыгыш ясады. Ул төбәктә белем алучы чит ил студентларын кан донорлыгына һәм аның компонентларына җәлеп итә торган «БРИКС гаиләсе» проектын тәкъдим итте.
«Татарстан Республикасы, Россия Федерациясе Президенты Владимир Путин билгеләп үткәнчә, дипломатик хаб булып тора. Чит ил студентлары саны буенча Татарстан Мәскәү һәм Санкт-Петербургтан соң өченче урында тора. Кан донорлыгы биредә, бер яктан, Кан кабул итү хезмәте бурычларын хәл итәргә ярдәм итә, ә икенче яктан, чит ил кешеләрен социализацияләүгә һәм республиканың гражданлык җәмгыятенә йомшак интеграцияләүгә ярдәм итә», – дип билгеләде проект җитәкчесе.
«БРИКС гаиләсе» проекты гражданлык җәмгыятен үстерүгә Татарстан Республикасы Рәисе гранты ярдәмендә гамәлгә ашырыла һәм 2026 елга Татарстан Республикасы Иҗтимагый палатасының эш планына кертелгән.
