Новосибирскида 2022 елда беренче «Сообщество» төбәк форумы узды
14 апрельдә Новосибирскида 2022 елда беренче «Сообщество» төбәк форумы башланды, аны РФ Иҗтимагый палатасы үткәрә. Татарстан Республикасы Иҗтимагый палатасыннан рәис урынбасары Мөнир Гафиятуллин катнашты.
Новосибирск округ форумының төп темасы «Тотрыклылык һәм яклау. Яңа социаль-икътисадый сәясәт векторлары». РФ Иҗтимагый палатасы сәркатибе Лидия Михеева ачкан пленар сессиядә Новосибирск өлкәсе губернаторы Андрей Травников һәм Новосибирск мэры Анатолий Локоть катнашты.
Форумның округ программасы 11 тематик блокны үз эченә алды. Россия һәм Донбасс качакларына социаль ярдәм мәсьәләләре, импортны алыштыру һәм патриотик тәрбия аспектлары, фәнни тикшеренүләрнең, эшләнмәләрнең нәтиҗәлелеген бәяләүнең милли системасын формалаштыру мәсьәләләре һәм башкалар турында фикер алыштылар.
Форум эшендә ТР Иҗтимагый палатасы рәисе урынбасары Мөнир Гафиятуллин «Икътисадый үсеш» секциясендә чыгыш ясады, шулай ук эксперт бергәлеге катнашты.
«Сообщество» Новосибирскида РФ Иҗтимагый палатасының форум кампаниясен ача, ул ел дәвамында Казанда, Липецкта һәм Петрозаводскта дәвам итәчәк һәм федераль округларның Мәскәүдәге гражданнар җәмгыяте вәкилләренең гомуми очрашуы белән тәмамланачак.