Халыкара остазлык көнендә Татарстан Республикасы Социаль юнәлешле коммерцияле булмаган оешмалар остазлык мәктәбе яңа курска тыңлаучылар җыюны ачып җибәрде
2017 елдан башлап ел саен 17 гыйнварда башкаларга яңа белем алырга һәм үсәргә ярдәм итүче, шулай ук үз тәҗрибәләре белән уртаклашучы кешеләргә багышланган Халыкара остазлык көне билгеләп үтелә.
Безнең илдә остазлык институтын үстерүнең мөһимлеген аңлап, РФ Мәгариф министрлыгы тарафыннан Россия Федерациясе Президентының Остазлар көнен билгеләү турында указы проекты эшләнде, аны 2 мартта – Константин Дмитриевич Ушинскийның туган көнендә билгеләп үтү планлаштырыла.
2023 ел ахырыннан Татарстан Республикасы Иҗтимагый палатасы секторара социаль партнерлыкта «ТР Социаль юнәлешле коммерцияле булмаган оешмалар остазлык мәктәбе» проектын гамәлгә ашыра.
Бүген Татарстан Республикасы Иҗтимагый палатасы бинасында «Социаль юнәлешле коммерцияле булмаган оешмалар – 2025 остазлык мәктәбе» белем бирү программасының семинар-презентациясе узды. Очрашуны ачканда проектның инициаторы һәм Татарстан Республикасы Иҗтимагый палатасының социаль мәсьәләләр, хәйриячелек һәм коммерциягә карамаган секторны үстерү комиссиясе рәисе, «АК БАРС СОЗИДАНИЕ» Хәйрия фонды директоры Әлфия Вәлиева укуның беренче елы нәтиҗәләре белән уртаклашты.
ПАО «АК БАРС» БАНК корпоратив университетыннан яңа «Идарә итү компетенцияләрен үстерү» курсын ачып җибәрү турында бизнес-тренерлар Яна Коробкова һәм Татьяна Трофимова сөйләде. Моннан тыш, алар «Көчле чыгыш яса: ышандырырлык сөйләм сәнгате» интерактив сессиясен үткәрделәр.
Шулай ук очрашу кысаларында Психодемия психологик һөнәрләр онлайн-мәктәбеннән һәм Добстер.рф хәйрия платформасыннан Остазлык мәктәбенең яңа юнәлеше тәкъдим ителде, аның турында Добстер.рф җитәкчесе Максим Генкин сөйләде.
Онлайн һәм офлайн форматтагы очрашуда Татарстаннан гына түгел, Санкт-Петербург, Красноярск, Тамбов, Чиләбе һәм Россиянең башка шәһәрләреннән өченче сектор вәкилләре дә катнашты.
25 гыйнварга кадәр ТР Иҗтимагый палатасы «Социаль юнәлешле коммерцияле булмаган оешмалар җитәкчеләренең идарә итү компетенцияләрен үстерү» дигән яңа курсларга укырга алуны игълан итә.
Программа (72 сәгать) 2025 елның февраленнән майга кадәр гибрид форматта укытуга исәпләнгән. Аттестация биремен үтәү йомгаклары буенча курс тыңлаучылары квалификация күтәрү турында таныклык алачак.
Укырга түбәндәге форма буенча теркәлергә мөмкин: https://docs.google.com/forms/d/e/1FAIpQLSe96_8SLFyJCdTkgb0T8KzP-ttg56LY2OifvVv3SWrewDBq6Q/viewform?usp=dialog
Белем бирү программасы – Татарстан Республикасы Иҗтимагый палатасының социаль мәсьәләләр, хәйриячелек һәм коммерциягә карамаган секторны үстерү комиссиясе тарафыннан «АК БАРС СОЗИДАНИЕ» Хәйрия фонды һәм «Мөмкинлекләре чикләнгән затлар белән эшләү буенча Республика вузара үзәге» автоном коммерцияле булмаган оешмасы ярдәмендә Ак Барс Банкның Корпоратив университеты белән берлектә секторара социаль партнерлыкта гамәлгә ашырыла торган пилот проектларның берсе. Проект гражданлык җәмгыятен үстерүгә бирелгән Татарстан Республикасы Рәисе гранты акчаларына гамәлгә ашырыла.
