Казанда инвалидларның иҗтимагый оешмалары өчен Махсуслаштырылган «UNIT» такси хезмәте проекты эшен дәвам итә

Әгәр сезнең оешма инвалидлар катнашында инклюзив чара планлаштыра икән, сезнең сорау туачак – инвалидларны бу мәйданчыкка ничек китерергә? Сәламәтлек мөмкинлекләре чикләнгән кешеләрне транспортлау проблемасын инвалидларның «Интеграция» иҗтимагый оешмасы һәм аның «UNIT» махсуслаштырылган такси хезмәте хәл итәчәк. Пассажирлар ташу түләүсез нигездә башкарыла һәм «Гражданлык җәмгыятен үстерү буенча Президент грантлары фонды» гранты хисабына финанслана.

«UNIT» махсуслаштырылган такси хезмәте Казанда 2019 елның 1 июленнән эшли, бу мөмкинлектән Казан шәһәренең социаль әһәмиятле проектларны гамәлгә ашыра торган инвалидлар иҗтимагый оешмалары файдалана ала. Проектны гамәлгә ашыру барышында шәһәрнең 30дан артык инвалид иҗтимагый оешмасы такси хезмәтеннән берничә тапкыр файдаланган, 400дән артык вакыйгага хезмәт күрсәтелгән. Бу - төрле конкурслар, спектакльләр, концертлар, мастер-класслар, экскурсияләр, хәйрия кичәләре һәм шәһәрнең башка вакыйгалары, аларда 3080 инвалид кеше булган.

«UNIT» социаль такси проекты түбәндәге масштаблы чараларда катнашты:

• Коляскаларда баскетбол буенча Россия чемпионаты;
• Инвалид хатын-кызлар арасында "Татарстан энҗе бөртеге" конкурсы;
• «Небо доступно для всех» проекты инвалидлар өчен парашют белән сикерүләр;
• «Ворлдскиллс» стандартлары буенча һөнәри осталык буенча 45 нче дөнья чемпионаты;
• "Киләчәк уеннары 2024" — фиджитал концепциясендә халыкара мультиспорт турниры, һәм башкалар.

Автобуска түбәндәге ысуллар белән заказ бирергә мөмкин:

– Кирәкле датага гаризаны https://unittaxi.ru сайтында калдырып;

– Яисә +7-996-902-52-06 телефоны буенча шалтыратып.