Каравон Татарстан халкын һәм кунакларын берләштерде: бәйрәмдә ТР Иҗтимагый палатасы әгъзалары катнашты
23 майда Лаеш районының Никольское авылында традицион рус халык бәйрәме – Каравон үткәрелде, ул республикада милли бәйрәмнәр үткәрүне башлап җибәрде.
Каравон авыл халкы тарафыннан 1988 елда активист С.А. Трусов инициативасы белән торгызыла. Борынгы традицияләрне хәтерләүчеләр ярдәмендә җырларны, йолаларны һәм бәйрәмнең үзен торгызу мөмкин булды. 1993 елдан Каравон фольклор фестивале статусын алды. Традиция буенча катнашучылар әйлән-бәйлән уйныйлар һәм махсус «каравон» адымы белән баралар.
Тантанада ТР Премьер-министры Алексей Песошин, ТР мәдәният министры Ирада Әюпова, ТР Иҗтимагый палатасы рәисе Александр Терентьев, РФ Дәүләт Думасы депутаты Татьяна Ларионова, Ассамблея һәм Татарстан халыклары Дуслыгы йорты вәкилләре, шулай ук ТР Иҗтимагый палатасы әгъзалары Ирина Александровская, Владимир Самойленко һәм Илфар Хәсәнов катнашты.
Кунаклар өчен һөнәрләр ярминкәсе, борынгы һөнәрләр буенча мастер-класслар, традицион уеннар мәйданчыклары, борынгы рус аттракционнары шәһәрчеге һәм борынгы көймәдә күл буйлап йөзү оештырылды. Бәйрәм «үрдәк адымы» белән тәмамланды.
