Ютазы районында грантлар буенча укыту семинары узды
2023 елның 2 ноябрендә Ютазы муниципаль районында грантлар буенча 4 сәгатьлек укыту семинары узды.
Семинарны Татарстан Республикасы Иҗтимагый палатасы рәисе Зилә Вәлиева һәм Ютазы районы җитәкчелеге ярдәме белән Ютазы районы Хатын-кызлар оешмасы һәм Иҗтимагый советы оештырды.
Республика ресурс үзәге белгечләре Светлана Салмина һәм Альбина Кыямова семинарда катнашучыларга социаль проектлаштыру, Коммерцияле булмаган оешмаларның федераль һәм төбәк конкурсларда катнашуы һәм коммерцияле булмаган оешмаларның муниципальара ресурс үзәге белән хезмәттәшлеге турында сөйләделәр.
Моннан тыш, «Вертикаль» коммерцияле булмаган оешмасының Әлмәт ресурс үзәге эшчәнлеге белән «Яңа тормыш» хәйрия фонды директоры, Әлмәт районы хатын-кызлар оешмасы әгъзасы Вита Гатауллина сөйләде.
Семинарда катнашучылар – коммерцияле булмаган оешмалар, иҗтимагый оешмалар, белем бирү учреждениеләре, китапханә системасы, районның авыл мәдәният йортлары вәкилләре сораулар бирделәр, конспектлар алып бардылар, яңа белемнәр алдылар, алар киләчәктә кешеләрнең тормыш сыйфатын яхшыртачак социаль проектлар булдырырга ярдәм итә алачак. Эш нәтиҗәләре буенча, хезмәттәшлек консультацияләре өчен семинарда катнашучыларны һәм укытучыларны үз эченә алган чат булдырыла.
