«Торак-коммуналь хуҗалык видеоярдәмчесе» татарстанлыларга ишегалларында агачлар торышы өчен кем җаваплы икәнен сөйләячәк
«Торак-коммуналь хуҗалык видеоярдәмчесе» яңа мәгълүмати ролигыннан Татарстан халкы йорт яны территорияләрендәге авария хәлендәге агачларны вакытында кем җыярга тиешлеге хакында беләчәк. Ролик «ТР торак-коммуналь хуҗалык өлкәсендә иҗтимагый контроль төбәк үзәге» ассоциациясе проекты кысаларында чыкты.
«Һәр күп фатирлы йортның диярлек йорт яны территориясе бар, ул йортның гомуми милке составына керә. Идарәче оешма аны тиешенчә тотарга тиеш. Шул ук вакытта йортта яшәүчеләр йорт яны территориясен яхшы хәлгә китерү буенча үз тәкъдимнәрен кертә алалар», — дип аңлатты «Татарстан Республикасы торак-коммуналь хуҗалык өлкәсендә иҗтимагый контроль төбәк үзәге» ассоциациясе башкарма директоры һәм Татарстан Республикасы Иҗтимагый палатасы әгъзасы Дмитрий Романов.
Роликта агачларны йорт яны территориясендә саклау һәм аларны тиешле карау өчен идарәче оешмалар җаваплы дип әйтелә. Әгәр көчле җил булганда аның ботаклары сынарга һәм кешеләрнең сәламәтлегенә зыян китерергә яки милеккә зыян китерергә мөмкин булса (күп очракта бу туктаган автомобильләр), иске агач авария хәлендә дип санала. Әгәр агачлар урам-юл челтәре буйлап үсә икән, алар өчен район администрациясе җаваплы
https://www.youtube.com/watch?v=Bq9oohXA7pg