«Видимо-невидимо» («Иксез-чиксез»): «Живой город» Татарстан авыллары мәктәпләрен проектның дүртенче сезонында катнашырга чакыра
15 июньнән 28 июньгә кадәр Татарстанда «Живой город» фонды гамәлгә ашыра торган «Видимо-невидимо» («Иксез-чиксез») театраль-педагогик проектының дүртенче сезоны үткәреләчәк. Республиканың авыл һәм авыл мәктәпләрен катнашырга чакыралар.
Проект кысаларында профессиональ иҗат командасы мәктәпләргә килеп, анда «театр горожан» («шәһәр халкы театры») методы буенча яшүсмерләр белән спектакльләр куя. Процесс театр уеннары, мастер-класслар, күнегүләр һәм тренинглар сериясеннән тора, нәтиҗәдә укучылар төп геройлар һәм үзләре – үз өметләре, хыяллары һәм борчылулары турында куелышларда катнашалар.
Спектакльләр иң элек туган авылда ата-аналар, дуслар һәм укытучылар алдында тәкъдим ителә. Шуннан соң спектакльләрне Казанның MOÑ театр мәйданчыгында профессиональ сәхнәдә күрсәтәләр.
Проект яшүсмерләргә иҗади яктан үз-үзләрен күрсәтүдә һәм киләчәктә һөнәри юнәлеш бирүдә ярдәм итә.
Гаризалар 20 майга кадәр кабул ителә.
Татарстан авыллары мәктәпләре катнашу өчен гаризаны әлеге сайтта тутыра ала: https://zhivoygorod.io/vidimonevidimo2026/ru
Мәктәптә укыту татар, рус яки ике телдә алып барылырга мөмкин.
«Видимо-невидимо» проекты 2023 елдан Президентның мәдәни инициативалар фонды һәм «Татнефть» хәйрия фонды ярдәмендә гамәлгә ашырыла. Өч сезон эчендә анда Татарстанның төрле районнарыннан мәктәпләр катнашты, спектакльләрне йөзләгән тамашачы карады. Проект Enter интернет-порталының премиясенә «Ел мәгърифәтчеләре» номинациясендә тәкъдим ителгән.
