ТР Иҗтимагый палатасы әгъзалары ТРда кулланучылар хокукларын тәэмин итү һәм яклау мәсьәләләре буенча Координация советы утырышында катнаштылар
14 сентябрьдә Татарстан Республикасы Дәүләт алкоголь инспекциясе җитәкчесе, Координация советы рәисе урынбасары Ж.Ю. Әхмәтханов рәислегендә Татарстан Республикасында кулланучылар хокукларын тәэмин итү һәм яклау мәсьәләләре буенча Координация советы утырышы узды.
Киңәшмәдә Татарстан Республикасы кулланучылар базарында намуссыз практикаларга каршы тору мәсьәләләре тикшерелде, шулай ук Татарстан Республикасы территориясендә кулланучылар хокукларын яклауны тәэмин итүгә юнәлдерелгән чаралар турында фикер алыштылар.
ТР Иҗтимагый палатасы Рәисе урынбасары Мөнир Гафиятуллин һәм ТР Иҗтимагый палатасының Торак-коммуналь хуҗалык һәм экология буенча комиссиясе рәисе Дмитрий Романов утырышта катнаштылар. Дмитрий Романов торак-коммуналь хуҗалык өлкәсендә иҗтимагый контроль үзәгенең республика халкының хокукларын һәм мәнфәгатьләрен яклау буенча эшчәнлеге турында сөйләде.
Татарстан Республикасы Торак-коммуналь хуҗалык өлкәсендәге иҗтимагый контроль үзәге даими нигездә торак-коммуналь хезмәтләр кулланучылар хокукларын яклау буенча эшчәнлек алып бара һәм ел саен республика халкынан торак-коммуналь хуҗалык проблемаларын хәл итүне сорап берничә мең мөрәҗәгать ала.
