ТР Иҗтимагый палатасы әгъзасы Дмитрий Романов Әлмәт идарәче компанияләре өчен күчмә укыту семинары үткәрде
Әлмәт шәһәрендә яшәүчеләр өчен күчмә семинар кысаларында ТР Иҗтимагый палатасы әгъзасы Дмитрий Романов шәһәрнең идарәче компанияләре өчен укыту семинары үткәрде, семинар торак-коммуналь хуҗалык өлкәсендәге мәсьәләләргә: законнардагы үзгәрешләргә, торак-коммуналь хуҗалык өлкәсендәге иҗтимагый контрольгә, торак милекчеләре белән үзара хезмәттәшлеккә һәм юридик практикага багышланды. 70тән артык кеше катнашты.
Татарстан Республикасы торак-коммуналь хуҗалык өлкәсендә иҗтимагый контроль үзәге башкарма директоры идарәче оешмаларга гражданнар мөрәҗәгатьләре белән ничек эшләргә, торак милекчеләре мөрәҗәгать иткән мәсьәләләр турында сөйләде.
Россия Федерациясенең һәр субъектында күп фатирлы йорт белән идарә итүнең төрле формалары бар. Идарәче оешмалар өчен торак-коммуналь хуҗалык өлкәсендә закон базасын белү, күпфатирлы йортлар белән дөрес идарә итү һәм эштә килеп туган бәхәсле мәсьәләләрне оператив хәл итү аеруча мөһим.
Семинар тәмамланганнан соң эксперт катнашучыларның сорауларына җавап бирде, шулай ук укучыларга «Татарстан Республикасы торак-коммуналь хуҗалыгы контроле» үзәгеннән брошюралар, методикалар тапшырылды.
