Яр Чаллы шәһәренең Иҗтимагый советы укучыларның туклануын тикшерде
«Россия Федерациясендә җәмәгать контроле нигезләре турында» 2014 елның 21 июлендәге №212-ФЗ Федераль закон нигезендә Яр Чаллы шәһәре буенча башлангыч гомуми, төп гомуми һәм урта гомуми белем бирү программаларын үзләштерүче укучыларның туклануын иҗтимагый контроль буенча эшлекле төркем тарафыннан 2023 елның 22 маенда 53 нче мәктәп тикшерелде.
Тикшерү нәтиҗәләре белешмә һәм фотоматериаллар рәвешендә тәкъдим ителә. «Школьное питание» җаваплылыгы чикләнгән җәмгыяте гомуми белем бирү оешмаларына җитештерелә торган продукция яхшы сыйфатлы дип билгеләп үтелә. Ашлар күләме балаларның туклану нормаларына туры килә, технология буенча ашларның сыйфаты яхшы.
Барлык кирәкле документлар таләпләргә туры китереп рәсмиләштерелгән. Укучыларның туклануы турында мәгълүмат белем бирү учреждениеләре сайтында бар. Азык-төлек блокларының һәм ашханәләрнең санитар хәле яхшы, утыру урыннары саны балалар санына туры килә. Ашларның температура режимы, бирү нормалары үтәлгән.
