«Татарстан Энҗе бөртеге» конкурсына йомгак ясалды
26 декабрьдә Казан Ратушасында «Татарстан Энҗе бөртеге – 2022» мөмкинлекләре чикләнгән хатын-кызлар арасында ел саен үткәрелә торган 9 нчы республика матурлык конкурсында җиңүчеләрне хөрмәтләделәр.
Быел конкурсның финалына Татарстанның төрле районнарыннан һәм шәһәрләреннән 9 катнашучы чыкты. Иң яшь финалисткага 18 яшь, иң тәҗрибәлесенә – 37. Кызларның хыяллары төрле булса да, бер – берсенә туры килә, һәркем мөстәкыйль һәм бәйсез булырга тели.
Яр Чаллыдан Ангелина Кузьмина « Татарстан Энҗе бөртеге – 2022» булды. Икенче урынны Светлана Георгиевна яулады. Өченче урынга Эльвира Әскарова лаек булды.
Финалга чыгучыларның һәркайсы үз титулын алды: «2022 елның артист Энҗе бөртеге» - Вероника Плеханова, «2022 елның максатчан Энҗесе » - Альмира Сабирова, «2022 елның романтик Энҗе бөртеге» - Дарья Винникова, «2022 елның сөйкемле Энҗе бөртеге» - Александра Политуха, «2022 елның нәфис Энҗе бөртеге» - Сирина Хәсәнова, «2022 елның уңышлы Энҗе бөртеге» - Гүзәл Алигберова.
Исегезгә төшерәбез, конкурсны оештыручы «Татарстан Энҗесе» инвалидларга ярдәм итү төбәк иҗтимагый оешмасы 2022 елда гражданнар җәмгыяте үсешенә керткән өлеше өчен Татарстан Республикасы Президенты премиясе лауреаты булды.
