Казанда «Социаль светофор» гомумроссия антибуллинг проекты лекториясе узачак

Казанда балалар уку йортларында буллинг (эзәрлекләү) профилактикасына багышланган лекторий узачак. «Социаль светофор» проекты президент грантлары фонды ярдәмендә «Куркынычсызлык территориясе» коммерцияле булмаган автоном оешмасы (Екатеринбург шәһәре) тарафыннан тормышка ашырыла.

«Куркынычсызлык территориясе» коммерцияле булмаган автоном оешмасы җитәкчеләре Анастасия һәм Максим Береновлар – гомумроссия дәрәҗәсендәге балалар куркынычсызлыгы буенча экспертлар, күп еллар уку йортларында да, тышкы тирәлектә дә мөстәкыйльлек һәм ышаныч күнекмәләре бирә торган программалар өстендә эшләүче белгечләр. Береновлар – «бала һәм үсмернең куркынычсызлыгы» сериясеннән ике китап авторлары һәм президент грантлары фонды, президентлык мәдәни инициативалары фонды һәм тагын берничә эре грант программалары конкурслары җиңүчеләре.
«Социаль светофор» проекты гаепләп эзәрлекләү билгеләрен ачыклау буенча гамәли юнәлешле фәнни методика булдыруны һәм таратуны, шулай ук вәзгыятьне махсус шкала буенча бәяләүне күздә тота. Анализ нәтиҗәләре буенча проблеманы хәл итүнең адекват варианты тәкъдим ителә.

Хәзерге вакытта проект гомумфедераль дәрәҗәгә чыкты, һәм «Куркынычсызлык территориясе» коммерцияле булмаган автоном оешмасының еллар дәвамында тупланган белемнәрен Россиянең башка төбәкләреннән экспертлар белән уртаклашу өчен уникаль мөмкинлек барлыкка килде. Якын айларда балалар куркынычсызлыгы һәм гаепләп эзәрлекләүләрне профилактикалау лекторияләре РФ нең 13 шәһәрендә узачак.

Лекторийларның Локомотив темасы – «Гаепләп эзәрлекләүләрнең типологиясе һәм аларны профилактикалау». Очрашулар педагогларга, психологларга, уку йортлары җитәкчеләренә, ата-аналар берләшмәләре вәкилләренә адреслана. Ахыргы максаты – региональ коммерцияле булмаган оешмалар белән альянслар булдыру һәм профильле ресурс үзәкләрен бергәләп төзү.

Очрашу 23 апрельдә шимбә көнне 11.00 сәгатьтән 14.00 сәгатькә кадәр Татарстан Республикасы Иҗтимагый палатасында түбәндәге адрес буенча узачак: Казан шәһәре, Батурин урамы, 7 А йорт, 137 зал. Лекторий теоретик лекциядән һәм күрсәтмә материаллары булган практикумнан торган 3 сәгатьлек комплекслы дәрес тәкъдим итә. Очрашу нәтиҗәләре буенча сораулар һәм җаваплар сессиясе, потенциаль партнерлар белән әңгәмә узачак.

Теркәлү өчен сылтама: https://forms.gle/cuajqDSH3GsfxWM77