7 апрельдә Россиядә Үтә күренмәле хәйрия көне узачак
Үтә күренмәле хәйрия көнендә, 7 апрельдә, «Коммерцияле булмаган оешманың тотрыклылык һәм нәтиҗәлелек факторы буларак үтә күренмәлелек» онлайн-конференциясе һәм «Үтә күренмәле хәйриячелек» беренче премиясе җиңүчеләрен игълан итү узачак.
7 апрельдә «Коммерцияле булмаган оешманың тотрыклылык һәм нәтиҗәлелек факторы буларак үтә күренмәлелек» онлайн-конференциясендә коммерцияле булмаган оешманың мәгълүмати ачыклыгы һәм репутациясе турында тикшеренү нәтиҗәләре тәкъдим ителәчәк, донор оешмалары катнашында дискуссия узачак һәм «Үтә күренмәле хәйриячелек» премиясе җиңүчеләрен бүләкләү узачак. Лауреатлар коммерцияле булмаган оешманың үтә күренмәлелеге турында Декларациягә кул куючылар арасыннан сайлап алынды һәм дүрт номинациядә билгеләп үтеләчәк: «Мәгълүмати сайт», «Иганәләр җыюның уңайлы системасы», «Ачык хисаплылыкның иң яхшы системасы», «Үтә күренмәле хәйриячелек принципларын актив үстерү».
Премиянең максаты - эшчәнлекләрен ачык һәм үтә күренмәле алып барган хәйрия оешмаларына игътибар җәлеп итү һәм дөрес хәйриячелекне популярлаштыру.
Премия лауреатлары - Россиянең төрле төбәкләреннән 300дән артык хәйрия оешмасы, аларның барысы да ачыклык стандартларына туры китереп эшли: устав документларын, реквизитларны, контактларны ирекле файдалана алу мөмкинлеген урнаштыралар; шәхси карталарга түгел, хисап счетына гына иганәләр җыялар; махсус чараларда гына яисә даими нигездә һәм килешү нигезендә һәм бәйсез күзәтүчеләр каршында ачыла торган сыйдырышлы яки басмалы савытларга акчалар алалар.