Яшь татарстанлыларның эшләре Третьяков галереясендәге махсус мультимедиа күргәзмәсе экспонатлары булырга мөмкин
МТС һәм Третьяков галереясе 11 яшьтән 18 яшькә кадәрге балаларны «Поколение М» («М буыны») хәйрия проекты кысаларында онлайн-мастер классларда һәм конкурста катнашырга чакыра. Бу хакта үз блогында МТС директоры Марат Шакиров сөйләде. Үсемлекләр ясаган катнашучыларның рәсемнәре арасыннан, Третьяков галереясе экспертлары цифрлы Ботаник атлас формалаштыру өчен иң яхшыларын сайлап алачак.
Конкурста катнашу өчен теләсә нинди техникада (акварель, гуаш, карандаш һәм башкалар) үсемлек, чәчәк, агачлар эскизын ясарга һәм эшне сайтка йөкләргә кирәк. Эшләрне ике яшь категориясендә - 11-14 һәм 15-18 яшьтә бәяләячәкләр. Җиңүчеләрнең рәсемнәре Третьяков галереясендәге махсус мультимедиа форматында күрсәтеләчәк һәм яңартылган ботаника атласы составына керәчәк. Барлык җиңүчеләр дә ачылышка чакырылачак.
«Әгәр сезнең балаларыгыз рәсем ясый, җырлый, фотога төшерә, башка иҗади шөгыль белән мавыга икән, гаджетларга һәм иҗатка мәхәббәтне берләштерергә һәм вакытны файдалы итеп үткәрергә «Поколение М» («М буыны») ярдәм итәчәк. Бу теләсә кайсы балага, кечкенә авылдан яки зур шәһәрдән булуга карамастан, иҗади сәләтләрне үстерү өчен онлайн-мәйданчык. Сайтта эшләрен йөкләп, атаклы остазлардан бушлай мастер-класслар карарга һәм үз көчләрен сынап карарга, теләге булган һәркем эшли ала. 69 төбәктән 699 бала проектның җиңүчеләре булды инде. Иң яхшылар өчен кыйммәтле бүләкләр - илнең эре компанияләрендә стажировкалар, йолдызлар белән бергә зур сәхнәгә чыгу, Третьяков галереясендә үз эшләренең күргәзмәләре, Дәүләт театр сәнгате институтына укырга керү һәм башкалар», - дип яза Марат Шакиров.
Третьяков галереясеннән конкурста татарстанлылар 30 сентябрьгә кадәр катнаша ала.
«Шунысы мөһим, бу проект - хәәйрия проекты. Анда катнашып, сезнең балагыз социаль проблемаларны хәл итүгә мөһим өлеш кертә һәм башка балаларга ярдәм итә. Төркемнәрдә һәм «Поколение М» («М буыны») сайтындагы барлык активлыкны, МТС «тере» акчаларга конвертлаштыра һәм катлаулы авырулары булган балаларны дәвалауга күчерә - хәзер инде 22 млн сум җыелган, алар 69 баланы дәвалауга юнәлдерелгән», - дип өсти эксперт.
«Поколение М» («М буыны») проекты турында белешмә
«М Поколение» («М буыны») - МТС компаниясе тарафыннан әйдәп баручы иҗади берләшмәләр, федераль һәм төбәк хакимият органнары, РФ Мәдәният министрлыгы ярдәмендә бизнес-корпорацияләр белән партнерлыкта инициацияләнгән һәм гамәлгә ашырыла торган комплекслы хәйрия программасы.
pokolenie.mts.ru - проектның төп онлайн-мәйданчыгында төрле юнәлешләр буенча Россия йолдызларыннан конкурсларда, мастер-классларда һәм интерактив күнегүләрдә катнашып, бөтен илдән килгән балалар талантларын күрсәтә ала. «Поколение М» («М буыны») иҗат төркеменә 250дән артык танылган остазлар керә: Третьяков галереясе һәм Дәүләт театр сәнгате институты педагоглары, җырчы Полина Гагарина, модельерлар Вячеслав Зайцев һәм Игорь Гуляев, режиссерлар Владимир Грамматиков һәм Александр Адабашьян, «Непоседы» студиясе, Sony Music Russia һәм башкалар.
Программаның өстенлеге һәм әһәмияте кайбер статуслы, шул исәптән халыкара премияләр белән расланды. Берләшкән Милләтләр оешмасы аны тотрыклы үсеш максатларына ирешү өчен дөньядагы алдынгы тәҗрибәләр исемлегенә кертте. «М Поколение» («М буыны») Станиславский премиясе лауреаты булды, җәмәгатьчелек белән элемтәләр өлкәсендә, брендинг һәм SABRE Awards (Бөекбритания) репутациясе белән идарә итү өлкәсендә төп халыкара премиянең финалисты, «Мәдәният, массакүләм мәгълүмат чаралары һәм массакүләм коммуникацияләр» номинациясендә Рунетның премиясе лауреаты, «Positive change» номинациясендә Effie Russia премиясенең җиңүчесе булды.