Биюләр коткара
«Бу бик шәп - минем яшьтә, COVID әле ил буйлап йөргәндә өйдән чыкмыйча гына шөгыльләнү. Безнең өчен бу ял», - дип яза Казаннан даими онлайн-дәресләрдә катнашучы 75 яшьлек Александра Федоровна. «Тере биюләр» социаль проекты өлкән буын, онкопациентлар, медицина һәм социаль хезмәткәрләрне бию-савыктыру хәрәкәтенә чакыра. Проект Татарстан халкының актив озак яшәве өчен шартлар тудыруга юнәлтелгән һәм 2022 елга республика хөкүмәте ярдәмен алган.
Проект буенча дәресләрнең нигезенә, физик мөмкинлекләргә бәйсез рәвештә, теләсә кайсы яшьтәге кешеләр өчен үтемлелеге белән аерылып торган метод салынган. Казанда өлкән буын өчен ачык дәресләр 2017 елдан бирле инструктор-волонтерлар тарафыннан уздырыла. Дистанцион технологияләр куллана башлагач, практика интернетка кушыла алган һәркемгә мөмкин булды. Яңа техник мөмкинлекләрне үзләштереп, проектка Татарстан Республикасының Алабуга, Буа, Тәтеш, Мөслим, Спас һәм Баулы районнарыннан өлкәннәр һәм инвалидлар өчен интернат-йортлар кушылды.
Махсус социаль төркем өчен җайлаштырылган онлайн-дәресләрне Мәскәү өлкәсенең Дубн шәһәреннән тәҗрибәле инструкторлар алып бара.
Һәр җомга саен безнең инструкторларны көтәм. Алар һәрвакыт дәрескә ниндидер яңа әйбер кертәләр. Шуннан соң кәефләр күтәрелә, хәрәкәтләрдә җиңеллек барлыкка килә, кан басымы тигезләнә - ди Татьяна Чабан (Алабуга картлар һәм инвалидлар интернат-йортыннан пенсионер, 64 яшь).
«Тере биюләр» - физик активлык һәм эшнең хис-кичерешләр белән ярашуы. Авыр, физиологик хәрәкәтләр барлык мускуллар һәм буыннарны эшләтергә мөмкинлек бирә. Музыкаль стильләрнең бай төрлелеге, хәрәкәтләрнең еш алмашынуы, хис-кичерешләрнең киң спектры чагылышы үзгәрүчәнлеккә һәм нерв системасын ныгытуга ярдәм итә.
Проектны булдыручылар дәрестә социаль учреждениеләрдә яшәүчеләргә генә түгел, ә персоналга да катнашырга киңәш итә. Киеренкелекне, арыганлыкны бетерү һәм кәефне яхшырту кебек гомуми нәтиҗәдән тыш, медицина һәм социаль хезмәткәрләр өчен өстәмә мөһим эффект - һөнәри коммуникацияләргә ярдәм итү каралган. Дәресләр ике як өчен дә сак формада пациентлар белән аралашуны җайга салырга ярдәм итә.
Медицина хезмәткәрләре өчен бию тәнәфесләрен 2021 елда Яр Чаллыдагы Онкоүзәк хезмәткәрләре белән гамәлгә ашыра башладылар. Быел дәрескә шул ук шәһәрдә «Сугыш ветераннары өчен госпиталь» коллективы кушылды. 20 минутлык дәрес атнага 2 тапкыр уздырыла. Инструктор Наилә Иванова әйтүенчә: «Катнашучылар сүзләренә караганда, дәресләр эмоциональ бушануга һәм ресурсларны тулыландыруга ярдәм итә».
Проектны оештыручылар мондый ярдәм кирәк булган һәркемне дәресләргә чакыра. Күңелле музыка һәм хәрәкәттән тыш, бу - кайчагында җитми торган җылы аралашу өчен мөмкинлек тә.
Дәресләрдә живыетанцы.рф сайты аша иркен катнашырга мөмкин.
