Абсолют реаль көрәш буенча беренче Бөтенроссия турниры узды

2020 елның 18-20 декабрендә Мәскәү өлкәсенең Краснознаменск шәһәрендә, Мәскәү асты сугышында җиңүнең 78 еллыгы уңаеннан, яңа спорт төре - абсолют реаль көрәш буенча беренче Бөтенроссия турниры узды.

Турнир Россиянең 55 төбәгеннән (Дагыстан, Кабардино-Балкария, Чиләбе өлкәсе, Омск, Волгоград, Тула, Рязань, Татарстан, Иркутск, Байкал арты крае, Иваново, Новосибирск, Ставрополь крае, Саратов өлкәсе, Краснодар крае, Ярославль өлкәсе, Воронеж өлкәсе, Тамбов өлкәсе, Калуга өлкәсе, Кырым, Севастополь, Магнитогорск, Санкт-Петербург, Мәскәү, Мәскәү өлкәсе һ.б.) 800дән артык катнашучыны җыйды. Спортчылар яңа көрәшнең ике бүлегендә кимоно һәм кимонсыз ярыштылар.

25 кешедән торган категорияләрдә, һәр бәйгедә үҗәт көрәш, тиңдәшсез көндәшлек һәм спортчыларның дәрәҗәсе - болар барысы да ярышларны чын-чынлап яхшы спорт бәйрәменә әйләндерде.

Барысы да кагыйдәләрдәге үзгәрешләрдән һәм оештырудан канәгать калды, шулай ук яңа бүлекнең - кимоноларсыз көрәшнең ни дәрәҗәдә яхшы булуын билгеләп үтте. Гомумән, барысы да мондый көрәштән бик канәгать калды.

Турнирда кызларның катнашуын да аерым билгеләп үтәргә кирәк, сыйфатлы экипировка һәм ябык шлем булганга күрә, йөзнең сыдырылу куркынычы юк. Шуңа күрә беренче турнир ук 7-17 яшьлек 87 кызны җыйды.

Яңа бәйгедә Бөтенроссия турниры нәтиҗәләре буенча 19 спортчы арасында Татарстан Республикасын тәкъдим иткән «Ватан уллары» командасы түбәндәге лаеклы нәтиҗәләргә ия булды:

11 яшь 45 кг га кадәр - Путкарадзе Бадри 3 урын

15-16 яшьлек кызлар арасында 50 кг. га кадәр - Нуриева Ранита 2 урын

15-16 яшь кызлар арасында Зорина Снежана - 1 урын һәм 3 урын

11 яшь Федоров Денис 2009 елгы, авырлыгы 36 кг- 2 урын

13 яшь Акчурин Данил 2007 елгы, авырлыгы 45 кг - 3 урын

10 яшь Лямин Матвей 2010 елгы, авырлыгы 30 кг - 3 урын

Татарстан командасы копилкасында барлыгы җиде медаль:

- беренче урын - бер

- икенче урыннар - ике

- өченче урыннар - дүрт

Алда чын-чынлап реаль көрәш буенча Россия беренчелеге көтә, ул Европа Кубогына һәм 2021 елда узачак Дөнья Беренчелегенә һәр авырлык категориясендә 4 юллама бирәчәк.