Балалар ялы контроль астында: Татарстан Иҗтимагый палатасында «кайнар линия» үтте
2026 елның 24 июлендә Татарстан Республикасы Иҗтимагый палатасында балаларның җәйге ялын оештыруга багышланган «кайнар линия» үткәрелде. Кайнар линиягә яшь татарстанлыларның ата-аналарыннан 30 дан артык шалтырату һәм мөрәҗәгать килде.
Чара ТР Иҗтимагый палатасының 2026 елга эш планы кысаларында үткәрелде. Аның төп максаты: балалар лагерьларында хезмәт күрсәтү сыйфатына җәмәгать контролен гамәлгә ашыру һәм гражданнарның сорауларына оператив җавап бирү.
«Кайнар линия» барышында балалар ялын оештыруның төп аспектларына аерым игътибар бирелде. Мөрәҗәгатьләрнең иң еш очрый торган темалары: лагерьларда яшәү шартлары һәм туклану сыйфаты; балаларның иминлеген тәэмин итү; сәламәтлеге ягыннан мөмкинлекләре чикләнгән балаларга һәм күпбалалы гаиләләрдәге балаларга ярдәм чаралары; юлламалар булу һәм алу тәртибе, шулай ук лагерь базаларындагы бассейннар турында мәгълүмат; эшкә урнашу мәсьәләләре: ничек вожатый булырга һәм кандидатларга нинди таләпләр куела.
Туры линия эшендә катнаштылар:
- Тамара Федорова - ТР Иҗтимагый палатасының мәгариф, фән һәм мәгърифәтчелек эшчәнлеге мәсьәләләре комиссиясе рәисе;
- Нина Шимина - «Лето» балалар һәм яшүсмерләрне сәламәтләндерү, ял һәм мәшгульлеген оештыру буенча республика үзәге директоры;
- Константин Крайнов - «Ял» шәһәр үзәге МБУ директоры;
- Айгөл Кашапова - ТР Мәгариф һәм фән министрлыгының Тәрбия, өстәмә белем бирү һәм укучыларга психологик ярдәм күрсәтүне үстерү идарәсе башлыгы;
- Ләйлә Зәйдуллина - ТР Хезмәт, халыкны эш белән тәэмин итү һәм социаль яклау министрлыгының тормыш эшчәнлеге чикләнгән затларны социаль интеграцияләү бүлегенең әйдәп баручы белгече;
- Рәзилә Яковлева - «Черноморец» республика үзәге» ДБУнең методика бүлеге башлыгы;
- Таңсылу Кашапова - «Сәләт» яшьләр үзәге ДБУнең юлламалар бүлеге җитәкчесе.
Мөрәҗәгать итүчеләр профильле белгечләрдән квалификацияле җаваплар ишеттеләр. Республикада балалар ялы сыйфатын яхшырту өчен барлык мәсьәләләр дә өстәмә рәвештә каралачак.
ТР Иҗтимагый палатасы республиканың барлык халкына «кайнар линия»дә актив катнашулары өчен рәхмәт белдерә һәм шуны искәртә: балалар ялын оештыру мәсьәләләре турында һәрвакыт интернет-кабул итү бүлмәсе һәм башка ачык элемтә каналлары аша фикер алышырга мөмкин.
.jpg)