Социаль юнәлешле коммерцияле булмаган оешмаларның остазлык мәктәбенең күчмә проект лабораториясенең икенче көне: бизнес-модельләр, команда, нейрочелтәрләр һәм идеяләрне визуальләштерү
25 апрельдә «Социаль эшмәкәрлек: коммерцияле булмаган оешмаларны үстерү өчен инструментлар» белем бирү курсы тыңлаучылары өчен оештырылган күчмә проект лабораториясе кысаларында интенсив практик белем бирүнең икенче көне үткәрелде. Чара Яр Чаллы шәһәрендәге «Жемчужина» шифаханәсе базасында үткәрелә.
Икенче көн бизнес-планлаштыру, команда эше, цифрлы технологияләр һәм гавами коммуникацияләр өлкәсендә социаль юнәлешле коммерцияле булмаган оешмалар җитәкчеләренең компетенцияләрен үстерүгә багышланды.
Көн программасына берничә тематик блок кертелде:
- бизнес-модельләштерү һәм нәтиҗәле команда булдыру буенча тренингларны «Татарстан Республикасы Сәүдә-сәнәгать палатасы» берлегенең хатын-кызлар эшмәкәрлеген үстерү комитеты җитәкчесе урынбасары Ләйсән Гарифуллина үткәрде. Катнашучылар Остервайльдерның бизнес-моделе турында сөйләштеләр, үз проектлары өчен шаблоннар тутырдылар, шулай ук командадагы рольләрне һәм үзара хезмәттәшлек принципларын карадылар.;
- нейрочелтәрләрдән файдалану һәм сайтлар булдыру буенча практикумны «Татарстан Республикасы Сәүдә-сәнәгать палатасы» берлегенең хатын-кызлар эшмәкәрлеген үстерү комитеты җитәкчесе киңәшчесе Равшан Хәйретдинов үткәрде. Тыңлаучылар сурәтләр һәм текстлар генерациясен, лендинглар булдыруны, шулай ук проектларны нәтиҗәле тәкъдим итү һәм яклау нигезләрен үзләштерделәр;
- «Татарстан Республикасы Сәүдә-сәнәгать палатасы» берлеге рәисе киңәшчесе Елена Әгъзамованың бизнесны үстерүдә Татарстан Республикасы Сәүдә-сәнәгать палатасының роле турында чыгышы;
- проект идеяләрен визуальләштерү – командалар «Илһам карталары» булдырды һәм аларны «Архитектура кинофестивале» форматында тәкъдим итте.
Лабораториянең төп максаты – катнашучыларга социаль инициативаларны эшләүче бизнес-модельләргә төрергә һәм аларны гамәлгә ашыру өчен ресурслар табарга ярдәм итү.
Проект Татарстан Республикасы Иҗтимагый палатасы тарафыннан Татарстан Республикасы Сәүдә-сәнәгать палатасы, «АК БАРС» БАНК ГАҖ корпоратив университеты, «АК БАРС СОЗИДАНИЕ» хәйрия фонды һәм «Шәһәр мәгариф үзәге» өстәмә һөнәри белем бирү хосусый учреждениесе белән берлектә гамәлгә ашырыла. «АК БАРС СОЗИДАНИЕ» хәйрия фонды күчмә йомгаклау сессиясенә «ЛУКОЙЛ» ГАҖ («РИТЭК» ҖЧҖ) социаль һәм мәдәни проектлар конкурсы грантын алды.
