Татарстан Республикасы Иҗтимагый палатасы мәйданчыгында «Тормышны кадерлибез» автоном коммерцияле булмаган хәйрия оешмасы эшенә йомгак ясадылар
21 майда Татарстан Республикасы Иҗтимагый палатасы мәйданчыгында ТР Иҗтимагый палатасы әгъзасы Илнар Зиннәтуллин җитәкләгән «Тормышны кадерлибез» автоном коммерцияле булмаган хәйрия оешмасының ачык хисап тотуы үтте. Чарада шулай ук ТР Иҗтимагый палатасы рәисе Александр Терентьев һәм палата әгъзасы Дмитрий Туманов катнашты.
Очрашуны ачып, Александр Терентьев ассызыклаганча, коммерцияле булмаган оешмалар эшчәнлегенең үтәкүренмәлелеге – гражданлык җәмгыятенең мөһим күрсәткече, ә гавами хисаплар нәтиҗәләрне ишетүдән тыш, киләчәктә эшне төзәтергә дә мөмкинлек бирә.
Очрашуда катнашучылар – дәүләт структуралары, иҗтимагый оешмалар вәкилләре, волонтерлар һәм журналистлар – оешма проектларының комплекслы карашлы һәм гамәли әһәмиятен югары бәяләделәр. Төп юнәлешләр арасында: медицина эшләнмәләре тегү, 3D-бастыру, психологик ярдәм, фәнни-аналитик эш һәм лингвистик ярдәм күрсәтү.
Мәгълүмати куркынычсызлык мәсьәләләренә һәм хәрби хәрәкәтләрдә катнашучыларның адаптациясе буенча социологик тикшеренүләр нәтиҗәләренә аерым игътибар бирелде. Оешма эшенә барлыгы җиде юнәлеш буенча 600дән артык волонтер җәлеп ителгән.
