Татарстан Халыклар дуслыгы йортында коммерцияле булмаган оешмалар өчен грантлар буенча уку семинары булды

2026 елның 25 марты, чәршәмбе

24 мартта Татарстан Халыклары дуслыгы йортында милли-мәдәни автономияләр өчен оештырылган «Коммерцияле булмаган оешмалар өчен грантлар: идеядән гаризага бирүгә кадәр» семинары булды. Чара грант ярдәме мәсьәләләрендә компетенцияләрне арттыруга һәм конкурс сайлауларында катнашуга әзерләнүгә юнәлдерелгән иде.

Семинар эшендә Татарстан халыклары ассамблеясе Советы Башкарма комитеты җитәкчесе, ТР Дәүләт Советы депутаты Ренат Вәлиуллин, Татарстан халыклары дуслыгы йорты директоры, ТР Иҗтимагый палатасы Рәисе урынбасары Тимур Кадыйров, социаль юнәлтелгән коммерцияле булмаган оешмаларга ярдәм итү буенча Республика ресурс үзәге директоры Зөлфия Сафина, ТР Иҗтимагый палатасы әгъзасы Светлана Салмина, шулай ук милли-мәдәни автономияләр рәисләре һәм активистлары катнашты.

Семинарны ачып җибәреп, Тимур Кадыйров коммерцияле булмаган оешмаларның грант конкурсларында катнашуының мөһимлеген билгеләп үтте һәм барлык берләшмәләрнең дә бу эшкә кушылачагына ышаныч белдерде.

Семинар кысаларында экспертлар гаризаның структурасын, бюджет формалаштыруны, конкурс критерийларына туры килүен һәм проектларны бәяләү үзенчәлекләрен тикшерделәр. Катнашучылар сыйфатлы итеп гаризалар тутыру буенча практик киңәшләр алды. Нурлат районы һәм Татарларның федераль милли-мәдәни автономиясе вәкилләре уңышлы проектларны гамәлгә ашыру тәҗрибәләре белән уртаклаштылар.