Бөгелмә Иҗтимагый советы Ветераннар советының хисап-сайлау конференциясендә катнашты
Бөгелмәдә Бөгелмә муниципаль районы Ветераннар (пенсионерлар) советының IX хисап-сайлау конференциясе булды.
Чарада Бөгелмә районы башлыгы Дамир Фәттахов, Татарстан Республикасы ветераннарының (пенсионерларының) төбәк иҗтимагый оешмасы рәисе Хәбир Иштирәков, шулай ук Бөгелмә районы Иҗтимагый советы вәкилләре:
- Иҗтимагый совет рәисе Елена Архарова;
- «Сугыш чоры балалары» клубы җитәкчесе Глира Вәлиева;
- Хәрби көчләр ветераннарының Гомумроссия иҗтимагый оешмасының Бөгелмә беренчел оешмасы рәисе Ленар Гәрәев катнашты.
Шунысы игътибарга лаек, Бөгелмә районы Ветераннар советы рәисе Иршат Измайлов та Иҗтимагый совет әгъзасы булып тора.
Эш турындагы хисап белән ветераннар советы рәисе Иршат Измайлов чыгыш ясады. Ул билгеләп үткәнчә, хәзерге вакытта шәһәрдә 53 ветеран оешмасы актив эшли. Төп бурыч – өлкәннәр һәм пенсионерлар мәнфәгатьләрен яклау.
Хисап тоту чорында ветераннар махсус хәрби операциядә катнашучыларга һәм аларның гаиләләренә ярдәм күрсәттеләр: окопта куллану өчен шәмнәр ясадылар, гуманитар ярдәм оештырдылар, оекбашлар бәйләделәр, җылы әйберләр һәм азык-төлек җыйдылар. Моннан тыш, яшьләргә рухи-әхлакый тәрбия бирү буенча да актив эш алып барылды: мәктәп музейлары, сугышчан дан почмаклары, иншалар конкурслары һәм башка чаралар үткәрелде.
Җиңү көнен бәйрәм итүгә аерым игътибар бирелде: мемориалларга чәчәкләр салу, территорияләрне җыештыру, Бөек Ватан сугышы ветераннарына, сугыш чоры балаларына һәм тыл хезмәтчәннәренә адреслы ярдәм күрсәтү.
Ветераннар советының хисап чорындагы эше канәгатьләнерлек дип табылды, алдагы биш елга планнар билгеләнде. Бөгелмә районы башлыгы Дамир Фәттахов ветераннар Советы инициативаларын хуплады.
