ТР Иҗтимагый палатасы әгъзалары Нәүрүз бәйрәмендә катнаштылар
Казанда ипподром территориясендә 11 меңгә якын кунакны җыйган «Нәүрүз» республика бәйрәме үткәрелде. Чара республиканың төрле милли-мәдәни автономияләре вәкилләрен берләштерде.
Бәйрәм чараларында катнашу ТР Иҗтимагый палатасының 2026 елга эш планын тормышка ашыруның бер өлеше булды, анда милләтара татулыкны саклау һәм Татарстан халыкларының мәдәни традицияләрен хуплау эшчәнлекнең төп өстенлекләре исәбенә билгеләнде.
Бәйрәмдә ТР Иҗтимагый палатасы рәисе урынбасары, Татарстан халыклары Дуслыгы Йорты директоры Тимур Кадыйров, ТР Иҗтимагый палатасының традицион Россия рухи-әхлакый кыйммәтләрен саклау һәм ныгыту комиссиясе рәисе Ирина Александровская һәм ТР Иҗтимагый палатасы әгъзасы Наталья Сабитова катнашты.
Язгы яңарышны һәм халыклар бердәмлеген символлаштырган Нәүрүз Татарстанда традицион рәвештә хупланган милләтара татулыкның ачык дәлиле булды. Бәйрәм кунаклары халыкларның мәдәнияте, аш-суы һәм гореф-гадәтләре белән танышты.
Бәйрәм кысаларында ат чабышлары оештырылды. ТР Иҗтимагый палатасы рәисе урынбасары, Татарстан халыклары дуслыгы йорты директоры Тимур Кадыйров җиңгән атның җайдагына «Нәүрүз» кубогын тапшырды.
ТР Премьер-министры урынбасары Ләйлә Фазлыева Нәүрүзнең республикада яшәүче халыкларның бердәмлеге символына әверелүен билгеләп үтте.
.jpg)