«Балаларда көч» тернәкләндерү үзәкләре челтәренә нигез салучы Гадел Заһретдинов социаль әһәмиятле проектны үстерүгә Кубань Губернаторы грантын алды

«Балаларда көч» тернәкләндерү үзәкләре челтәренә нигез салучы, ТР Иҗтимагый палатасы эксперты Гадел Заһретдинов Кубань Губернаторы грантын алды.

Әлеге грант – аеруча мөһим һәм символик вакыйга, чөнки инде ике ел Краснодарда «Балаларда көч» тернәкләндерү үзәге уңышлы эшли, Кубаньдагы балаларга һәм аларның гаиләләренә ярдәм итә.

Краснодардагы үзәк нәрсәләр башкара?

• Сәламәтлеге ягыннан мөмкинлекләре чикләнгән балалар өчен комплекслы тернәкләндерү курслары үткәрә.
• Ата-аналарына психологик ярдәм күрсәтә.
• Балаларны социальләштерү өчен инклюзив чаралар оештыра.
• Бер-берсенә ярдәм итүче гаиләләр берләшмәсен төзи.

Грант конкурсында яңа җиңү – Кубань җирендә якташларыбызның эшен тану һәм ярдәмне тагын да сыйфатлырак һәм кулай итү мөмкинлеге.

Грант:

• реабилитацияләүнең яңа нәтиҗәле методикаларын кертергә.
• заманча җиһазлар сатып алырга.
• күрсәтелә торган хезмәтләр спектрын киңәйтергә мөмкинлек бирәчәк.

Гадел Линнаровичны һәм «Краснодар балаларында көч» тернәкләндерү үзәге коллективын лаеклы җиңүе белән котлыйбыз.