ТР Иҗтимагый палатасы әгъзалары ТР Яшьләр эшләре министрлыгы каршындагы Иҗтимагый совет утырышында катнаштылар

2025 елның 22 июлендә Татарстан Республикасы Яшьләр эшләре министрлыгында Иҗтимагый совет утырышы булды, анда ведомствоның максатларын һәм бурычларын ачык формалаштыру буенча экспертлар, Иҗтимагый совет әгъзалары, чакырылган кунаклар катнашты. ТР Иҗтимагый палатасы вәкилләре буларак Асия Тимирясова, Тамара Федорова, Мария Крюкова, Дамир Нургалиев, Евгения Коцарь, Екатерина Согрина катнаштылар. 

ТР Яшьләр эшләре министры урынбасары Денис Лулаков 2025 елның беренче яртыеллыгында ведомствоның халык алдында формалаштырылган максатлары һәм бурычлары үтәлеше турында хисап бирде. 

Министрлыкның Иҗтимагый советы рәисе Александр Карпов ассызыклаганча, министрлыкның беренчел бурычлары булып түбәндәгеләр кала бирә:

- яшьләрнең һөнәри үзбилгеләнүе, 

- аларга хезмәт мәшгульлеге буенча ярдәм итү, 

- сәламәт яшәү рәвешен таныту, 

- балалар һәм яшьләр өчен җәйге ял системасын үстерү. 

Ведомствоның, муниципаль органнарның, мәгариф һәм иҗтимагый оешмаларның координацияләнгән эше нәтиҗәсендә төбәктә 124 предприятиедә 4 300дән артык яшь кеше эшкә урнаштырылган, ә җәйге ялның оешкан формалары белән 133 меңнән артык бала җәлеп ителгән.

Бөек Ватан сугышында Җиңүнең 80 еллыгын бәйрәм итү кысаларында яшь буынны патриотик тәрбияләүгә һәм гражданлык активлыгына ярдәм итү аерым урын алып тора.  I нче яртыеллык йомгаклары буенча, патриотик проектларда 319 меңнән артык кеше катнашкан.

«Лето» дәүләт бюджет учреждениесе хисап счеты директоры Нина Шимина 2025 елда җәйге сәламәтләндерү кампаниясен гамәлгә ашыруның барышы турында сөйләде.

Моннан тыш, Иҗтимагый совет әгъзалары тарафыннан яшьләрнең инициативалы бюджетлаштыру өлкәсендә төбәк законнарын актуальләштерү мәсьәләсе каралды.