ТР Рәисе Дәүләт-хокук идарәсе Республика балалар клиник хастаханәсенең кечкенә пациентлары өчен әкият терапиясе үткәрде

2025 елның 27 июнендә ТР Рәисе Дәүләт-хокук идарәсе ТР Республика балалар хастаханәсенең кечкенә пациентларына «Әкият терапиясе» үткәрде.

Бүген «Өйдән ерактагы өй»гә ТР Рәисе Дәүләт-хокук идарәсендә эшләүче дуслары балалар язучысы Д.Дональдсонның «Себеркегә атланып» әкиятен укырга килде. Бу яхшылык, дуслык, үзара ярдәмләшү һәм зирәклек турындагы тарих. Дуслар турындагы әкиятне әти-әниләр дә кызыксынып тыңлады. Алар балалар белән бергә әсәрнең сюжеты һәм аның персонажлары турында фикер алышуда актив катнаштылар.

ТР Рәисе Дәүләт-хокук идарәсенең закон проектлары буенча бүлек җитәкчесе Мортазина Регинаның «Хикәяләүче» эшләпәсе чараның иң үзенчәлекле күренеше булды. Балалар теләкләре турында сөйләде. Алар эшләпәне киеп, күзләрен йомалар һәм күңелендә йөрткән иң кадерле теләге тормышка ашу өчен «космоска очып китә».

ТР Рәисе идарәсе хезмәткәрләре Йорт эшчәнлеге белән таныштылар һәм анда чын өй атмосферасы хөкем сөргәнен, Гаилә йортының җылылык һәм матурлык белән тулы икәнен билгеләп үттеләр.

Алар балаларга уенчыклар һәм китаплар, әниләргә үзләрен кайгырту өчен әйберләр һәм бик күп җиләк-җимеш алып килделәр.

«Гаилә бергә» хәйрия фондының «Гаилә йорты» – балалары «Республика балалар клиник хастаханәсе» дәүләт автоном сәламәтлек саклау учреждениесендә онкология, реанимация һәм тернәкләндерү бүлекләрендә дәвалана торган гаиләләр өчен уникаль йорт. Җитди авыруга дучар булган балалар өчен Әкият терапиясе кебек проектлар бик кирәк. Алар хастаханә көнкүрешеннән онытылып торырга, өебездәге бөтен «Гаилә» белән бергә җыелышып төрле темаларга фикер алышырга булышалар: нәрсә ул яхшылык, нәрсә ул начарлык? Кем ул чын дус? Гаилә нәрсә ул? Сабыйларны өлкәннәргә һәм Ватанга хөрмәт белән карарга өйрәтәләр. «Әкиятчеләребезгә»  рәхмәтләребезне җиткерәбез, – дип уртаклашты Казандагы Гаилә йорты директоры Маркова Юлия.

Казанда Гаилә йортының традицион проектына әверелгән әкият терапиясе  беренче тапкыр Гаилә йорты халкына 2016 елда тәкъдим ителде.