ТР Иҗтимагый палатасы әгъзалары ясалма интеллект үсеше мәсьәләләре буенча түгәрәк өстәлдә катнашты
27 июньдә Дәүләт Советында парламентның профильле комитетлары һәм ТР Сәүдә-сәнәгать палатасы тарафыннан оештырылган «Тормышта төрле өлкәләрдә ясалма интеллекттан нәтиҗәле файдалану турында» дип аталган түгәрәк өстәл утырышы үткәрелде. Түгәрәк өстәлдә ТР Иҗтимагый палатасы әгъзалары Диләрә Шувалова һәм Дамир Нургалиев катнашты.
Киңәшмәдә катнашучылар цифрлаштыруны үстерүгә һәм икътисад тармагында ясалма интеллектны кертүгә дәүләт ярдәме чаралары турында фикер алышу форматында кайбер белгечләр һәм экспертлар җиткергән мәгълүматны тыңладылар. «ОллЭйАй Центр» һәм «Технологияләр» технологик стартапларына нигез салучы Евгений Касакин, «Татарстанда авыл хуҗалыгы кооперациясен үстерү буенча компетенцияләр үзәге» дәүләт бюджет учреждениесе директоры Диләрә Шувалова, ТР Кече һәм урта бизнес предприятиеләре ассоциациясе вице-президенты Ләйсән Гарифуллина һәм лаунж-барлар HRD челтәре Юлия Павлова үзләренең үсеш тәҗрибәсе белән уртаклаштылар.
ТР Сәүдә-сәнәгать палатасы рәисенең беренче урынбасары Артур Николаев ясалма интеллектны кулланганда авторлык хокукларын саклау һәм сәүдә билгеләрен яклау темаларына кагылды.
Ясалма интеллектны куллануны законнар белән җайга салу, нейрочелтәрләрне җайга салу инициативалары һәм хокукый билгесезлеккә юл куймау ысуллары турындагы мәгълүматны «БизБренд» компаниясенең патент бүлеге җитәкчесе Екатерина Каранаева тәкъдим итте.
Түгәрәк өстәл эшенә йомгак ясап, Светлана Захарова ясалма интеллект һәм цифрлы технологияләр үсешен законнар белән тәэмин итү буенча киләчәктә дә эшләргә кирәклеген билгеләп үтте.
