ТР Иҗтимагый палатасы әгъзасы Әлфия Вәлиева Ханты-Манси автономияле округы – Юграның «ПРЕОБРАЗОВАНИЕ» коляскалы инвалидлар төбәк иҗтимагый хәрәкәтендә булды

25 апрельдә Ханты-Манси автономияле округы – Юграның «ПРЕОБРАЗОВАНИЕ» коляскалы инвалидлар төбәк иҗтимагый хәрәкәте офисында ТР Иҗтимагый палатасының социаль мәсьәләләр, хәйриячелек һәм коммерцияле булмаган секторны үстерү комиссиясе рәисе Әлфия Вәлиева ХМАО – Югра Иҗтимагый палатасы Рәисе урынбасары Ольга Сидорова белән булды.

Әлфия Фуат кызы коммерцияле булмаган оешманың эшчәнлеге белән танышты. «ПРЕОБРАЗОВАНИЕ» вәкилләре үзләренең эшчәнлеге, социаль объектлар экспертизасы, сурдотәрҗемәче эше, реабилитацияләү техник чараларын ремонтлау, юридик ярдәм һәм Югра губернаторының «Ватанны бергәләп яклыйк» гранты проекты турында җентекләп сөйләделәр, анда 3D-эшләнмәләр бастырыла һәм маскировка челтәрләре үрелә.

Инде күп еллар иҗтимагый хәрәкәт социаль фонд белән сурдотәрҗемә һәм реабилитацияләүнең техник чараларын ремонтлау өлкәсендә хезмәттәшлек итә. Дмитрий Бичуков 3D-принтерда эшләү тәҗрибәсе һәм уңайлы мохит буенча эксперт эше белән уртаклашты. Станислав Кононенко сурдотәрҗемәче, юрист һәм тернәкләндерүнең техник чараларын ремонтлау буенча белгеч эшчәнлеге турында сөйләде. Юлия Данилова инвалидлар өчен уңайлы мохит һәм торак урыннарын төзекләндерү өлкәсендәге тәҗрибәсе белән уртаклашты.