Ольга Павлова: СВОда авыр яраланганнарга спорт белән шөгыльләнү өчен шартлар һәм мөмкинлекләр тудырырга кирәк

РФ Президенты Владимир Путин Россиянең паралимпия комитетына һәм «Ватанны саклаучылар» дәүләт фондына Паралимпия спорты, следж-хоккей, коляскаларда бокс һәм башка төрләр буенча яңа форматлар булдырырга тәкъдим итте. Россия Иҗтимагый палатасы әгъзасы, ТР «Динамо» физкультура-спорт җәмгыяте рәисе киңәшчесе Ольга Павлова билгеләп үткәнчә, дәүләт башлыгының профильле министрлыкларга һәм ведомстволарга шундый йөкләмәләр бирүе хакимиятнең бу категория гражданнарга карата бик игътибарлы мөнәсәбәте турында сөйли.

«Авыр җәрәхәтләр алган СВОда катнашучылар тыныч тормышка мөмкин кадәр тизрәк җайлашырга тиеш. Күпләр махсус операциядә катнашканчы спорт белән шөгыльләнә иделәр, һәм бу шөгыльләрне дәвам иттерү өчен мөмкинлек бирергә һәм шартлар тудырырга кирәк. «Ватанны саклаучылар фонды» спорт федерацияләре белән берлектә адреслы ярдәм күрсәтергә тиеш. Аларның юрисдикциясендә – мондый чараларны әзерләү белән шөгыльләнү, аларны календарь планына кертү. Тренировка процессын оештыру белән шөгыльләнергә. Татарстанда мондый эш инде алып барыла. Татарстан Республикасының «Динамо» ФСО федерацияләренең күбесе инде хәрби хәрәкәтләр ветераннары белән эшли яки эшли башларга әзер. Болар – ТР Хоккей Федерациясе, ТР Спорт һәм стендка ату федерациясе, ТР Бокс федерациясе, ТР Баскетбол федерациясе, ТР Волейбол федерациясе һәм башкалар.», – дип уртаклашты Ольга Павлова «Татар-информа» журналисты белән.